Shoqata Ulqini në SHBA ka njoftuar se nën drejtimin e Drejtorit Ekzekutiv, Edon Alibegu, është arritur një marrëveshje historike midis qytetit të Ulqinit dhe Staten Island.

Ky partneritet, i cili përmban bashkëpunimin e dy qyteteve në fusha të ndryshme si tregtia, arsimi, kultura dhe vullneti i mirë, është një hap i rëndësishëm për fortesimin  dhe bashkëpunimin mes dy komuniteteve.

“Në këtë moment të veçantë, ne shprehim mirënjohjen tonë të thellë për Presidenten e Bashkisë së Staten Island, Vito Fossella, dhe Kryetarin e Bashkisë së Ulqinit, Omer Bajraktari, për kontributin e tyre të jashtëzakonshëm në realizimin e kësaj marrëveshjeje. Për ne, kjo nuk është vetëm një marrëveshje midis dy qyteteve, por një shprehje e vërtetë e bashkëpunimit dhe solidaritetit mes dy komuniteteve” thuhet në njoftim.

Ky partneritet synon të ndërtojë një të ardhme më të mirë për të rinjtë tanë dhe për të gjithë qytetarët e dy qyteteve. Me këtë marrëveshje, shpresohet krijimi i mundësive të reja për zhvillim dhe përparim në të gjitha sferat e komunitetit.

“Faleminderit për mbështetjen e Ministrisë së Malit të Zi për të Drejtat e Njeriut dhe të Pakicave dhe për bashkërendimin e tyre në këtë proces. Po ashtu, një falenderim i veçantë për z. Fossella dhe z. Bajraktari për vullnetin e tyre të palodhur dhe përkushtimin ndaj kësaj nisme. Në fund, ne besojmë se kjo marrëveshje do të sjellë fryte të mrekullueshme dhe do të ndërtojë një bashkëpunim të qëndrueshëm dhe të suksesshëm mes komuniteteve tona. Ju ftojmë të bashkoheni me ne në udhën drejt një të ardhmeje të ndritshme dhe të përbashkët për të gjithë”, përfundon njoftimi!