Ditën e djeshme më 10 shkurt 2024, në Zagreb, u mbajt festa e karnavaleve të fëmijëve shqiptarë. Aktiviteti u mbajt në Shtëpinë e Kulturës Çeke dhe zgjati plotë tre orë.
Fëmijët mësuan dhe treguan si festohen karnavalet në Kroaci, Shqipëri, Kosovë, kënduan, vallëzuan, sfiluan me kostumet e personazheve më të dashur për fëmijët.
Zbuluan dhe talente të reja, fëmijët u zbavitën me lojra të ndryshme.
Të pranishëm ishin nxënësit e mësimit shqip, fëmijë të tjerë të Zagrebit, prindër, gjyshër dhe të ftuar.
Gjithashtu nderuan me pjesëmarrjen e tyre znj. Alma Kasa nga Ambasada e Shqipërisë, bashkëshortja e ambasadorit znj. Ilda Poda dhe fëmijë të diplomatëve.
Për herë të parë në Kroaci, fëmijët shqiptarë së bashku festojnë karnavalet. Fëmijët me kostumet e bukura u shndërruan në personazhet e filmave dhe të përrallave në: zanë, princeshë, Borëbardhë, supermen/e, pilot, zjarrfikës, flutur, bubrrec, kungull, tigër, fantazmë, shtrigë, Harry Potter…..
Programi u realizua nen drejtimin e mësueses Melita Orešković dhe drejtueses se seksionit të fëmijëve të Shoqatës Teatrore Shqiptare “Mërgimtari”, kryetares se Këshillit te Mësuesve Shqiptarë të Kroacisë.
Falenderojmë fëmijët për programin e bukur artistik dhe nënat për përkujdesjen në zgjedhjen e kostumeve!
Programi u organizua nga Shkolla Shqipe dhe dy organizatat e mësipërme me mbështetjen e Këshillit për Pakicat Kombëtare të Republikēs së Kroacisë.
Këshilli i Mësuesve Shqiptare në Kroaci/ Savjet albanskih učitelja u Hrvatskoj
Teatër / Kazalište Mërgimtari,Croatia.