15 Nëntor 2019 ka qenë ky një prezantim i shqiptarzimit, i dy fëmijve Gabriel (Gabe) Morgan dhe Liam Morgan, të Ornela Rori – Morgan nga Korça, e martuar në SHBA, me rreshterin amerikan Watson Morgan, të cilët kanë marrë pjesë duke përfaqësuar Shqipërinë, me flamurin dhe duke bërë simbolin e Shqiponjës me dy pëllëmbët e duarve, në një festival ndërkombëtar të Scouts.
Për çka Ornela, katër vjet më parë kishte postuar në faqen e saj të facebook fotografitë nga festivali ndërkombëtar “Boy Scouts International Festival ” i mbajtur në nëntor 2019, me pjesëmarrjen e dy fëmijëve të saj Gabriel (Gabe) Morgan dhe Liam Morgan, të vrarë (30 dhjetor 2023), së bashku me nënën e tyre Ornelën, nga bashkëshorti dhe babai i dy fëmijëve Waston Morgan.
Ornela i ka dërguar këtë mesazh një koleges së saj shqiptare, në shkollën ku ato jepnin mësim dhe që ajo ka qenë pjesëmarrëse në atë festival ku Ornela ka shkruar :
“Çfarë nate e mrekullueshme ndërkombëtare me skautët! Ne përfaqësonim Shqipërinë! Një falenderim i veçantë për Enkolana Çekaj Mundija që ndau me ne disa pjesë të jetës së saj në Shqipëri, dhe të kulturës e trashëgimisë shqiptare!”
Të premten, më 12 janar, Nëna (Ornela), dhe dy djemtë e saj, Gabrieli e Liami, nga qindra pjesëmarrës u përcollën për në varrezat “Hope” në Worcester, Massachusetts, në Kishën Ortodokse Shqiptare të Shën Marisë- Uster.