PASADENA CA: Dhjetra kamionë që tërhiqnin rimorkjot (floats) zbukuruar me lule, shoqëruar me njësi kuajsh – grupe kalorësish, dhe kuadratet e uniformave të nxënësve të shkollave, kuadrate e uniformave të policisë, atyre të zjarrfikësve, ushtrisë amerikane zhvilluan ndoshta paradën më të bukur në botë duke shënuar kështu edhe ditën e parë të vitit të ri 1 janar 2024.
Rose Parade 2024 u mbajt me temën e këtij viti : “Festojmë një botë muzikore: Gjuha universale”.
Sipas televizionit të Pasadenës KTLTV, thuhet se rreth 800,000 spektatorë qëndruan në dy anët e rrugës ku parakaluan marshuesit në qendër të qytetit Pasadena, Kaliforni, të hënën për të parë të vitit 2024, për të parë Paradën e 135-të të Trandafilave – “135th Rose Parade”.
Presidenti i Paradës së Trëndafilave 2024 Alex Aghajanian i tha KTLA- TV se tema e paradës së këtij viti ishte “Festojmë një botë muzikore: Gjuha universale”, mbasi ajo u zgjodh sepse : “Po jetojmë në një botë kulturash, besimesh, shpresash dhe ëndrrash të ndryshme. Por se, nën një Zot që kemi të gjithë, ku një gjuhë na bashkon të gjithëve dhe ajo është muzika”.
Parada e Trëndafilave filloi në orën 08:00 (PST) të mëngjesit me kohën e paqësorit, më 1 janar, duke marshuar më shumë se 5 milje në anën e poshtme të bulevardit “Kolorado” të Pasadenës.
Parakalimi i marshuesve të paradës filloi në këndin e rrugës Green Street dhe Orange Grove Boulevard, duke marshuar më pas për nga tribunat e ngritura përgjatë Bulevardit Kolorado dhe përfundoi në orën 11 e 25 minuta në Villa Street në veri në Bulevardin Sierra Madre.
Parada e Trëndafilave u transmetua nga rrjetet të shumta televizive dhe rrjetet sociale televizionet kombëtare ABC, NBC dhe Univision – duke përfshirë rrjetet sociale YouTube dhe Pluto TV.
Cilët ishin ata të famshëm që performuan në këtë paradë?
Parada e këtij viti u drejtua nga spikerja e CBS, Jericka Duncan, aktorja e Nickelodeon & Disney, Gabrielle Elyse, ylli 17-vjeçar i “Dance Moms”, Pressley Hosbach.
Audra McDonald: Aktorja fituese e çmimeve Tony, Grammy dhe Emmy shërbeu si Marshallja e Madhe e paradës, një pozicion nderi ky i zgjedhur nga presidenti i Shoqatës së Turneut të Trandafilave për kontributin e tyre në përqasje me temën e paradës.
Jordin Sparks: Këngëtarja e nominuar për Grammy dhe fituesja e sezonit 6 të “American Idol” ishte ajo që do të mbyllte finalen e madhe të paradës. “Sparks, ka bërë turne me Britney Spears, Alicia Keys dhe Jonas Brothers.”
Michelle Williams: Këngëtarja R&B fituese e çmimit Grammy dhe ish-anëtare e Destiny’s Child prefermojë në nisjen e paradës nga “Keep Dreaming Float” e Hondas, duke performuar në qendër të një trëndafili gjigant. Asaj gjatë preformancës iu bashkua edhe ylli i “American Idol” David Archuleta, fituesi i “The Voice” 2012 Cassadee Pope si dhe artisti Rush Davis.
Straight No Chaser: Grupi i Illinois a capella, i njohur për përzierjen e blues dhe jazz-it me country dhe rock, performojë në mesparadën e me rimorkjon e Enjoy Illinois.
Alexander Star: Kantautori i nominuar për Emmy performojë një himn kushtuar mesparadës së Fort Lauderdale, ndërsa ai qëndronte në majë të një floats të krijuar nga organizata e marketingut të axhencisë “Visit Lauderdale”.
Rose Parade 2024: në imitimin e disa figurave të fabulave gjatë këtij viti përfshiu një dragua gjigant të rrethuar me instrumente muzikore për të festuar përbërjen e të gjitha komuniteteve të qytetit, kryesisht ato aziatike (korean, kinez e japonez) latinet e Amerikes së jugut, si dhe Armenia me komunitetin Armen nga Europa, dhe të tjerë.
Bandat muzikore u kujdesën për dhjetëra grupet marshuese të cilat parakaluan me uniformat sportive , veshjet tradicionale nën ritmin e Paradës së Trëndafilave. Në këtë paradë u përfshinë Band of Milion Dollar e Universitetit të Alabamas, Banda muziiore skoceze e gajdeve, “Pipes on Parade” dhe “Banda Municipal Zarcero”, e cila u shfaq me ritmet e Kosta Rikës.
