Agjencia Kombëtare Diasporës nën kujdesin e veçantë të kryeministrit Edi Rama dhe në bashkëpunim me Ministrinë për Evropën dhe Punët e Jashtme organizon më 22 dhe 23 Nëntor në Tiranë, Samitin e III të Diasporës Shqiptare.
Aktivitetet për këtë samit janë ndarë në dy ditë: Në ditën e parë më 22 nëntor do të zhvillohen aktivitete në kuadër të Ditës së Arbëreshëve.
Ndërsa më 23 nëntor Dita e dytë, në pallatin e kongreseve do të zhvillohet Samiti. Gjatë kësaj ditë do të mbahen shtatë panele diskutimi për tema të ndryshme nga Diaspora Shqiptare.
Por si mund të bëheni pjesë e këtij samiti. procedura e regjistrimit është e thjeshte:
- Klikoni në google “Agjencia Kombëtare e Diasporës” ose “Ministria për Evropën dhe Punët e Jashtme”.
- Kliko ikonën Samiti i Diasporës
- Informacioni Personal: Në faqen e formularit të regjistrimit, do të shihni një seri fushash që duhet të plotësoni me informacionin tuaj personal. Për shembull, do t’ju kërkohet të jepni emrin, mbiemrin, adresën e e-mailit,etj.
- Zgjidhni aktivitete ku do të merrni pjesë; Dita e arbëresheve dhe/ose Samiti i Diasporës.
- Zgjidhni në cilin panel dëshironi të jeni pjesëmarrës.
- Pasi keni plotësuar të gjitha fushat e kërkuara, duhet të dorëzoni (submit) regjistrimin.
- Në e-mail do të vijë konfirmimi i regjistrimit.
Ndiqni videon për mënyrën e regjistrimit: