Ditën e dielë më 5 nëntor 2023, në ambientet e Ambasadës së RSH-së në Athinë do të zhvillohet “𝐎𝐩𝐞𝐧 𝐃𝐚𝐲 𝟐𝟎𝟐𝟑”, një panair i mbushur me shumëllojshmëri aktivitetesh, ku do të ndërthuren elementët festivë me ato të promovimit të vlerave të trashëgimisë historike dhe kulturore të vendit tonë.

Nën tingujt dhe aromën shqiptare, të pranishmit do të kenë mundësinë të shijojnë gatime tradicionale të krahinave të ndryshme, këngë dhe valle shqiptare, dhe të njihen me veshjet popullore shqiptare dhe punime artizanale, të punuara me finesë dhe delikatesë nga artizanet duararta të komunitetit tonë, në një larmi kulturore, e cila do të shpalosë zakonet dhe traditat shqiptare.

Në këtë nismë që vjen si bashkëpunim i Ambasadës, Shoqatave dhe OJQ-ve, dhe nën kujdesin e Ministrise për Evropën dhe Punët e Jashtme – Republika e Shqipërisë, do të nderojë me pjesëmarrjen e saj znj. Artemis Malo, Zëvendës Ministre për Evropën dhe Punët e Jashtme.