Në zgjedhjet që u mbajtën dje për Parlamentin Federal të Zvicrës, ka ndodhur pika e kthesës: një kandidat me rrënjë shqiptare është zgjedhur deputet dhe fjala është për Islam Alijajn, kandidat i Partisë Socialdemokrate (SP).
Në këto zgjedhje garuan edhe 30 kandidatë shqiptarë për deputet në parlamentin helvetik në Bernë, njofton gazeta zvicerane në shqip Le Canton27.ch
Islam Alijaj u zgjodh deputet i ri i Parlamentit Zviceran duke ju bashkëngjitur 199 kolegëve tjerë zviceran.
Komuniteti shqiptar në Zvicër i është gezuar dhe ka përshëndetur fitoren e kandidatit me origji shqiptare, dhe fitoren e kanë konsideruar si historike.
Keshtu, redaktori i gazetës zvicerane në shqip Canton27.ch Nefail Maliqi, në një shkrim autorial publikuar një ditë para zgjedhjeve federale në «Tribune de Genève» kishte ndier fitoren e një deputeti i cili ka shkruar se «është koha që komuniteti shqiptar si shembull integrimi të fitojne një deputet në parlamentin zviceran. Ata e meritojnë të kenë jo vetëm pasaportat helevtike, por dhe nje deputetë e tyre në Bernë… »
Islam Alijaj (me nevoja të veçanta) me vite të tera njihet si aktivist për të drejtat e kategorisë së njerëzve të cilës i takon. Ishte deri tash asamblist në Asamblenë e Qytetit të Zyrihut.
Në Zvicër jetojnë dhe veprojne 300.000 shqiptare, prej të cilëve mbi 100 mijë albanofonë (shqiptarë nga gjitha viset e ballkanit) janë të natyralizuar (posedojnë pasaporta) që më shumë se gjysma e tyre kanë të drejte vote.
Lexo edhe: Zvicër/ Politikani shqiptar nominohet për çmimin “Prix Courage 2021”
UDC do të mbetet kryesisht partia kryesore në vend pas zgjedhjeve federale të së dielës, përpara PS me më shumë se dhjetë pikë. Qendra vjen në vendin e 3-të, pak përpara PLR-së, ndërsa partitë ambientaliste janë humbësit e mëdhenj në këto zgjedhje. /Bota Sot/
