Po mbahet këtë fundjavë në Città della Pieve, edicioni i dytë i “Poesia Trasimeno”, festivali kombëtar letrar kushtuar artit poetik i planifikuar në Rocca Perugina. Një fundjavë e veçantë në vargje ku marrin pjesë shumë poetë nga e gjithë Italia, të cilët prezantojnë krijimet e tyre. Program padyshim intensiv, me shumë veçori dhe momente të veçanta falë pjesëmarrjes së emrave të njohur në panoramën poetike italiane: nga Silvio Raffo (foto) te Francesca Bottari,e Floriana La Rocca si dhe autorja e njohur Denata Ndreca.
Edicioni i këtij viti karakterizohet edhe nga pjesëmarrja aktive e shkollave të cilave u është kushtuar një konkurs poetik dhe gjatë tre ditëve do të prezantohen poezitë që fëmijët dërguan në festival.
Ditën e djeshme është mbajtur takimi i i shumëpritur me “Inkursionet poetike” me Denata Ndrecën, poete, shkrimtare, gazetare dhe përkthyese.
Festivali përfundon sot në orën 18.30 me ceremoninë e konkursit “Poesia Trasimeno” për rubrikën e rrëfimit dhe fotografisë; roman i pabotuar dhe i botuar; tregime dhe fotografi. Gjatë ceremonisë do të ketë lexime poetike nga Piera Andreani dhe Lamberto Fornari. Anna Maria Petri dhe Marta Moroni, me Marco Pareti që moderon ceremoninë. Një shfaqje nga flamurtarët dhe muzikantët e Città della Pieve është planifikuar të mbyllet.
