Ditën e dielë më datë 15 tetor 2023, në kuadër të CinEast Festival i cili po mbahet në Luksemburg, në seksionin e filmit të shkurtër dokumentar do të shfaqet filmit shqiptar “Guri i rëndë, në vend të vet” i Blerta Kambos.
“Heavy Stone, In Its Place” (Gur i rëndë, në vend të vetë) është një film i realizuar në vitin 2022.
Bazuar në shprehjen popullore “Gur i rëndë, në vend të vet” Kambo sjell një analizë fotografike të shprehjes. Me kontekstin aktual social ku emigracioni është një nga temat me te nxehta filmi tenton të japë një këndvështrim të fenomenit. Dikush nuk do të përshtatet kurrë diku tjetër përveç vendit ku ka lindur ose se diçka i përket vetëm në vendin e tij. Kjo histori ka të bëjë me një shtëpi që qëndron ende, si historia e atyre që duhet të gënjejnë për të marrë azil në MB.
Mbi autoren
Blerta Kambo është një fotografe dhe artiste pamore shqiptare dhe ka punuar profesionalisht, që nga viti 2009, në fotografinë dokumentare, arkitekturore, politike (përfshirë kryeministrin shqiptar prej 4 vitesh), reklamë, korporata dhe fotografi mode. Në vitin 2019 ajo studioi për filma në London Film School (MB). Vetë projektet personale të Blertës kanë një qasje më konceptuale: arkivat, trillimet dhe të vërtetat e shumta, ekofeminizmi dhe hapësira në narrativën sociale.
