Në zgjedhjet vendore që po mbahen sot në Greqi, shumë kandidatura nga komuniteti shqiptar prezantojnë një spektër të gjerë të përvojave dhe njohurive të tyre të specializimit.
Këta kandidatë, që nga brezi i parë si Pavllo Sota, Kristaq Konduri, Adrian Rakipi, Edlira Velaj, Achileas Balo, Valbona Gjika, Nikos Portalis, dhe shumë të tjerë, synojnë të përfaqësojnë me denjësi dhe profesionalizëm zonat ku garojnë në zgjedhjet lokale.
Pavllo Sota, një ndër avokatët më të suksesshëm dhe me njohuri të thella në fushën e ligjit, ndjek një qëllim të përkushtuar ndaj komunitetit shqiptar dhe grek. Me një histori të pasur të punës së tij, ai është një përfaqësues i fortë i interesave dhe të drejtave të tyre.
Kristaq Konduri, një personalitet i njohur në komunitetin shqiptar dhe grek , si kryetar i Dhomës së Biznesit Greko-Shqiptar dhe anëtar i bordit drejtues të Biznesit të Dhomës Tregtare të Profesionistëve të Athinës. Ai është një përfaqësues i fortë që siguron të drejtat dhe interesat e komunitetit shqiptar dhe grek.
Adrian Rakipi, me përvojën e tij të pasur në drejtimin e organizatave joqeveritare, përfaqëson një zë të komunitetit shqiptar, mbështetur në nevojat dhe pikëpamjet e tyre.
Achileas Bala, profesor biologjie me njohuri të thella në fushën e tij të specializimit, është një kandidat tjetër me cilësi të jashtëzakonshme. Ai ka influencuar zhvillimin e dijes dhe ndikuar në komunitetin shqiptar.
Për të shtuar edhe më shumë në këtë panoramë, kandidatët e brezit të dytë si Vivian Xorieti, Julinda Rexhepaj, Tisiano Balas, Klara Jani dhe Panagiota Seva Agolli,Thanas Tsarka, Rezart Putsis, tregojnë përparime të shkëlqyera në fushat e tyre të specializimit dhe përfaqësojnë një vizion të ri të rinisë së komunitetit shqiptar. Ata janë kandidatë të angazhuar që përfaqësojnë energjinë dhe talentin e të rinjve shqiptarë në Greqi.
Vivian Xorieti , është nga personalitet e njohura dhe shumë të dashur për komunitetin. Vivian ka kryer studimet në fusha të ndryshme si International Marketing and Business, Architecture Interior & Design. Gjithashtu, ajo ka një eksperiencë të pasur në fushën e përkthimit freelancer. Por ajo nuk është vetëm një profesioniste e talentuar, por gjithashtu është një pasioniste e fotografi.
Me një vizion të qartë për të ndryshuar shoqërinë, Vivian është e përkushtuar në përfaqësimin e interesave të të rinjve. Ajo ka një mision të madh për të kontribuar në zhvillimin dhe rritjen e komunitetit. Me talentet dhe pasionin e saj, ajo synon të sjellë ndryshime pozitive dhe të frytshme në shoqëri.
Tisiano Balas , një inxhinier i talentuar me njohuri të thella në teknologji dhe ka ndihmuar në promovimin e inovacionit në komunitetin shqiptar.
Kandidatët, të fokusuar në përhapjen dhe përparimin e komunitetit shqiptar në Greqi, synojnë të sjellin ndryshim dhe të përfaqësojnë interesat e tyre për të bërë Greqinë një vend më të përfshirë dhe të barabartë për të gjithë. Ata janë prova e ndërgjegjësimit të komunitetit dhe dëshmojnë qëllimin e tyre për bashkëpunim dhe zhvillim të përbashkët.
Ne ju urojmë suksese të gjithë kandidatëve në zgjedhjet vendore në Greqi. Zgjedhja e tyre do të sjell përparim, zhvillim dhe mirëqenie për komunitetin dhe vendin në tërësi.
Nga Juli Ndriko – Tribuna Tv
