Ky është titulli i aktivitetit me nxënësit e Shkollës Shqipe në Zvicër i cili do të mbahet në datën 1 tetor . Një event frymëzues që premton të kthehet në një festë ku arti, kultura, rrënjët dhe atdhedashuria bëhen bashkë. Nxënësit e Shkollës Shqipe në Zvicër, performojnë si protagonistë në një mbrëmje kushtuar veprës të poetit të dashur të shqiptarëve deri në skajet më të largëta të diasporës.
Magjepsja poetike e Dritëroit, këtë herë do të përshfaqet edhe përmes harmonisë muzikore dhe talenteve teatrale të nga vet nxënësit, në nder të trashëgimisë letrare të Dritëro Agollit me gjurmë të pashlyeshme në identitetin tonë kombëtar që prek zemrat dhe mendjet e shqiptarëve në botën mbarë.
