Sulmi terrorist që ndodhi të dielën ndaj Policisë së Kosovës në veri, ku mbeti i vrarë rreshteri Afrim Bunjaku nga uniformat blu të Policisë së shtetit të Kosovës, dhe u plagos një tjetër, është shfaqur mbrëmë në një Billbord digjital ikonë të sheshit Times Square – New York, me një “Falenderim për Policinë e Kosovës në zemër të New York-ut”.
Ndriçimi i Times Square është bërë në nderim të policit të vrarë dhe shpreh një respekt të madh për Policinë e Republikës së Kosovës.
Iniciatori dhe realizuesi i saj Dren Deva udhëheqës me firmën e patundshmerisë “Tafingo” në Mitrovicë si dhe firmën “FreshAlb” në SHBA, shkruan në faqen e tij në Faacebook, se e ka bërë pikërisht këtë në shenjë falënderimi për Policinë e Kosovës, derisa mbrëmë në sheshin “Times Square” në New York, në ekranin gjigand është shfaqur disa herë emblema e policisë bashkë me atë të UÇK-së dhe FSK-së, si dhe fotografia e policit të vrarë Afrim Bunjaku.
“Faleminderit heronjve tanë, Policisë së Kosovës. Rroftë Kosova Republikë”, ishte mbishkrimi që ishte vendosur tek fotografia ku shihej e ndriçuar dhe e shfaqur disa herë në imazhin televizivë në ekranin gjigand.
Në ndërkohë në një ekran bashkëngjitur me billbordin së bashku me fotografinë tjetër ku shihej emblema e UÇK-së shkruhej “Të vdesësh për atdhe është sikur të rilindësh përsëri – Afrim Bunjaku”.
E gjithë kjo duhet cekur se është realizuar nga një shqiptar në Amerikë , aktivisti nga Mitrovica dhe kompania e tij “Tafingo”, dhe “FreshAlb” në SHBA, Dren Deva Anëtar Bordi i Odës Amerikane të Kosovës.
