Ditën e djeshme në praninë e shumë autoriteteve të rajonit të Puljas është përuruar biblioteka e katundit arbëresh të Kazallveqit në Pulja (Cassalvechio di Puglia).

Biblioteka e katundit e vendosur në Kishën e Purgatorit, pranë murales madhështore kushtuar heroit tonë kombëtar Gjergji Kastrioti Skënderbeu, do të jetë e para bibliotekë në këtë rajon me një seksion të veçantë kushtuar trashëgimisë arbëreshe.

Kryetari i bashkisë të komunës së Kazallveqit, z. Noè Andreano gjatë prerjes së shiritit inaugurues tha, “Jam shumë i emocionuar, Bibliotёkatundit është biblioteka jonë e komunitetit”.

Me urimet më të mira për stafin e komunës dhe kryetarin e saj Z. Andreano, prof. Diana Kastrati dhe stafi i QSPA, i përgëzon për realizimin në një kohë të shkurtër të kësaj nisme fisnike në shërbim të komunitetit arbëresh të Kazallveqit dhe mbarë rajonit të Puljas.

“Krijimi i një biblioteke duhet të jetë një burim gëzimi dhe jo vetëm për komunitetin tuaj, por për çdo qenie njerëzore kudo që ndodhet me çfarëdolloj kombësie. Në dhjetor të vitit 2022 kur pata mundësinë të vizitoja komunën tuaj, nëpërmjet kryebashkiakut dëgjova për herë të parë për projektin. Entuziast ai, edhe unë gjithashtu. Por ju siguroj që nuk do ta kisha mëndur kurrë që ndërtesa që do të shërbente si bibliotekë do të bëhej realitet kaq shpejt”, tha ndër të tjera në fjalën e saj përshëndetëse drejtoresha e QSPA Diana Kastrati.