Historia e shërbëtorit Jan Anderson dhe dashurisë së tij të pakufishme atërore është një nga më madhështorët në letërsinë suedeze. Vajza e tij Klara është drita e jetës së tij dhe dashurinë për të ai e ndjen që në çastin e parë pas lindjes së saj, kur për herë të parë e mban në duar foshnjën.

Por kur vajza e dashur e Janit shpërngulet përkohësisht në Stokholm për të punuar dhe për të shlyer një borxh që ka babai i saj, malli për të  bëhet i papërmbajtur, ia gërryen shpirtin ngadalë duke iu bërë një obsesion që do ta shpie në një botë irracionale, duke shpresuar dhe bindur veten njëkohësisht se vajza tashmë është bërë perandoreshë , rrjedhimisht edhe ai vetë, perandor i një vendi të ëndrruar, Portugalisë. Vit pas viti, ai shkon tek porti detar dhe pret vaporin me të cilin do të kthehet vajza, por aty ndesh vetëm shikimet tallëse dhe sjelljet përbuzëse të njerëzve.

Pas pesëmbëdhjetë vitesh Klara do të kthehet, por babai i saj tashmë ka kaluar në çmenduri dhe ajo detyrohet të marr vendime të rënda…

Dashuria e Janit për të bijën, që merr përmasa pothuajse mitike,  rrëfehet me një stil të veçantë dhe intensiv. Kombinimi i shdërvjellë i talentit të të rrëfyerit dhe njohurive psikologjike të Selma Lagerlöf-it këtu arrin kulmin.

SELMA LAGERLÖF [1858-1940] është një nga emrat më të mëdhenj të letërsisë suedeze, e përkthyer në mbi 40 gjuhë të botës, me vepra të tilla si romani debutues “ Saga e Gösta Berlingut” (1891), “Jerusalemi” (1901-1902), “ Monedhat e zotri Arnes” , ” Lidhje të padukshme” , trilogjia e Löwensköld-ëve” libri autobiografik «Mårbacka», “ “Udhëtimi i mrekullueshëm i Nils Holgersonit nëpër Suedi”  dhe