Inter Miami pas barazimit me FC Dallas 4-4 me penallti ka kaluar në çerekfinalet e Kupës së Ligës Amerikane. Gjithçka ka ndodhur në një ndeshje emocionuese, ku Messi dhe Inter Miami, megjithse ishin në humbje 4-2 arritën të barazojnë në 4-4 me golin e barazimit të shënuar nga Lionel Messi, në një tjetër goditje dënimi spektakolare. Ishte hera e parë që Inter Miami, u përball me një “humbje” perderia ata me “magjinë” e Messit, ata e gjetën një rrugëdalje nga “fatkeqësia” shkruan shtypi sportiv amerikan.
Gjatë gjuajtjes së penalltive, Miami shënoi në të pesë përpjekjet e tyre, ndërsa mesfushori i FC Dallas, Paxton Pomykal nuk arriti të shënonte penalltinë për skuadrën e tij, duke e lënë skuadrën e Dallasit, me një disfatë therëse në një ndeshje që dukej se e kishin nën kontroll të plotë, dhe do ta fitonin kur resultati ishte në favor të tyre 4:2.
18-vjeçari i akademisë së Inter Miamit, Benja Cremaschi, shënoi gjatë lojës së, dhe më pas shënoi goditjen e pestë dhe vendimtare të penalltisë për të dërguar Inter Miami në një çerekfinale që do të presë kundër Houston Dynamo ose Charlotte FC.
“Mendoj se ishte një lojë ku FC Dallas luajti më mirë gjatë një ore e gjysëm(90 minuta)”, tha menaxheri i Interit, Tata Martino, pas lojës për televizionin Apple TV. “Në pjesën e dytë ishim më mirë dhe mendoj se është një shfaqje karakteri sepse është e vështirë të rikthehesh në një ndeshje ku humbësi shkon në shtëpi, edhe duke qenë për disa minuta në epërsi me gola(4:2)
“Fitorja është e dobishme për të besuar se mund të jemi një skuadër e mirë dhe se edhe kur duket se po e humbim një ndeshje, jemi të aftë të kthehemi te fitorja.” tha menaxheri i Interit, Tata Martino, pas lojës për televizionin Apple TV.
Por një protagonist i kësaj, simbas shtypit sportiv Shqiptar, duket se ka qenë edhe Amet Korcha(Korça), shqiptaro amerikani nga Struga, që po luan për Dallasin, dhe që u përballë me Messin në të njejtën fushë. Korça i cili është djali I një prej aktivistëve të njohur të komunitetit, Ylber Korça, brojtësi i skuadrës së vendlindjes së tij FC Dallasit, i cili pati mundësinë të shohë nga afër magjinë e superlojtarit botëror të sapoardhur tek Inter Miami, Lionel Messit.
