Në komunitetin shqiptar të Dallas/Fort Worth në Texas, SHBA këtë të diel ka rifilluar mësimin në shkollën e gjuhës shqipe. Në njoftimin e Qendrës Kulturore Shqiptare Amerikane e Teksasit (Albanian-American Cultural Center of Texas) thuhet se regjistrimi online është ende i hapur për ata që dëshirojnë të mësojnë gjuhën shqipe.

Njoftimi i plotë:

Me kënaqësi ju njoftojmë se dita e parë e Shkollës Shqipe në DFW ishte e suksesshme! Është vërtet inkurajuese kur nxënësit tanë të etur për dije dhe mësueset e përkushtuara mblidhen së bashku për një fillim të mbarë të vitit shkollor. Gjithashtu, ishte kënaqësi të takonim shumë prej jush që morët pjesë në fjalën e mirëseardhjes. Falenderim të përzemërt kemi edhe për të gjithë ata që kontribuan për ta bërë këtë të mundur dhe na ndihmuan në riaktivizimin e qendrës së komunitetit. Rifillim të mbarë!

Ata që nuk mund të ishin prezent sot, ju ftojmë të na bashkoheni të dielën e ardhshme në orën 11:00. Regjistrimi online është ende i hapur.