Ambasada shqiptare në Athinë njofton se, kanë mbërritur Pasaportat dhe Kartat ID për të cilat është aplikuar deri në datën 14 korrik 2023.

Tërheqja e dokumenteve biometrikë kryhet me:

Paraqitje fizike në sportel (Ambasadë) gjatë orarit zyrtar, nga e hëna-enjten 09:00-14:30 dhe të premten 09:00-14:00 ose

Me postë/korier, në adresën tuaj të banimit, bazuar në deklaratën që nënshkruani në momentin e aplikimit në përfaqësi.

Ambasada rikujton edhe një herë që të gjitha kartat ID që dërgohen me postë janë të pa aktivizuara elektronikisht dhe nuk mund të përdoren në shërbimet bankare në Shqipëri.

Dokumentat biometrike mund të tërhiqen brenda 1 viti nga dita e aplikimit, në rast të kundërt do të konsiderohen të refuzuara.