E “tundi” Amaliadhën Ansambli Artistik i shoqatës “Emigranti” Patra, “Zëri i Traditës” , ditën e shtunë , datë 8 korrik 2023.
Të ftuar nga shoqata “Οι ριζες” së Analiadhës , me urën lidhëse miqësore të piktorit të talentuar dhe mikut tonë z.Dëfrim Hasa , shoqata “Emigranti” iu përgjigj ftesës së tyre me një paraqitje tepër dinjitoze ndërmjet 6 grupeve të tjera pjesëmarrëse në festivalin e 21- të Amaliadhës.
Gjithë sheshi u tund nga tinguj shqip.
“Zëri i traditës” paraqiti si një buqetë shumëngjyrëshe valle dhe këngë nga të gjitha krahinat e Shqipërisë. duke i dhënë mbrëmjes ngjyra nga më të bukurat dhe duartrokitjet e gjithë të pranishmëve treguan edhe njëherë vlerën e folklorit tonë, por edhe punën e palodhur të grupit me mësuesin z.Alfred Jaha dhe drejtuesin z. Jorgo Bodini.
Emocione të veçanta përjetuam me vajzat e Ansamblit si lule dhe me djemtë si azganë. Tingujt e pogonishtes përcollën ëmbël mesazhin e paqes dhe bashkimit mes dy popujve miq dhe u shoqërua me mijëra duartrokitje nga sheshi i mbushur plot.
Pasuan vallja e nuseve nga zona e veriut të Shqipërisë dhe më pas dyshja myzeqare grash, në të cilën mori pjesë edhe vet kryetarja e shoqatës zj.Kristiana Veliu .
Ne këndojmë edhe greqisht , tha Ansambli ynë dhe gjithë publiku përjetoi çaste emocionuese nga kënga” Εροτοκριτος και Αρέtoυσα” nga babë e bijë, z.Ladi Gega me cifteli dhe Adela Gega, për tia lënë më pas radhën
polifonisë sonë që ngriti peshë zemrat e të pranishmëve.
Dy marrës me zëra bilbili, Jorgo Bodini dhe Marjola Salataj në bashkësi me grupin e isos, i dhanë mbrëmjes ngjyra kuq e zi.
Qershia mbi tortë e ftuara dhe mikja e shoqatës sonë, Teuta Pango me zërin e saj të magjishëm i këndoi Moresë me këngën gjashtëqind vjeçare “Moj e bukura More” , ku magjepsi dhe ngriti në këmbë gjithë të pranishmit.
Të gjithë u ndjemë kaq bukur, kaq të bashkuar dhe kaq të respektuar nga mikpritësit .
Mirënjohje të thellë për punën e palodhur dhe plot durim të kryetares së shoqatës zj. Kristiana Veliu , njeriut të artit dhe të Paqes z. Dëfrim Hasa, mësuesit të valles z. Alfred Jaha, drejtuesit të Ansamblit z. Jorgo Bodini dhe gjithë anëtarët e këtij grupi, që bënë të mundur praninë e emigrantëve të Patrës të shfaqim folklorin tonë në tokën helene.
Jam me fat që u ndodha në mesin tuaj dhe që prezantova plot kënaqësi bukurinë e vlerave tuaja kaq vjecare !
Nga Afërdita Selenica – Zëdhënësja e shtypit të shoqatës “ Emigranti” Patra.



