Ditën e djeshme ka humbur jetën në një aksident tragjik në qytetin e Kavallës, i riu shqiptar Enea Topi. 18 vjeçari me origjinë nga Pogradeci ishte futbollist.
Lajmin e ka bërë të ditur Shoqata Shqiptare e Kavallës, e cila nëpërmjet një postimi në facebook i ka përcjellë familjes dhe të afërmve ngushëllimet më të thella e të sinqerta nga gjithë komuniteti shqiptar.
Raportohet se Topi ishte duke udhëtuar së bashku me një person tjetër kur motori humbi kontrollin dhe përfundoi nën rrotat e kamionit.
Trupi i tij do të transportohet për tu prehur në Atdhe. Ceremonia mortore do të zhvillohet në Rëmenj të Pogradecit nesër në dt. 8 . 6 . 2023 në orën 11:00.