Në Arbanasi të Zarës u vendos busti i Kruno Krstiq (Krstić), në kuadër të ditëve të kulturës Arbneshe “Zonja jonë e Loretos” që u mbajtën në muajin maj, me rastin e 297-vjetorit të vendosjes së arbneshëve në Zarë.

Zbulimi i bustit të këtij personaliteti të dashur ndër arbneshët, autor i fjalorit të gjuhës arbneshe, emrin e të cilit e mban shkolla e arbanasve në Zarë u bë në prani të shumë personaliteteve dhe komunitetit të Arbanasit.

Krstiq rrjedh nga një familje emgrantësh shqiptarë të besimit katolik, të cilët u larguan nga Shqipëria në kohën e pushtimit otoman. Të parët e tij kanë jetuar në një fshat pranë liqenit të Shkodrës.

Kruno Krstiq ishte gjuhëtar, filozof, psikolog, enciklopedist, përkthyes dhe kritik Arbëresh.

Ai lindi në Arbanas afër qytetit të Zarës në Kroaci, më 13 nëntor 1905 dhe ka vdekur në Zagreb, 6 dhjetor 1987.