“Festivali i Popujve”, një ngjarje e rëndësishme ndërkulturore që organizohet prej 18 vitesh në Qytetin e Barit. Ky aktivitet është i konceptuar si një Festival që përfshin aktivitete nga mëngjesi deri në mbrëmje kushtuar fëmijëve, të rinj, të rriturit dhe familjet, duke përfshirë
Është një moment që feston dialogun dhe takimin mes kulturave, prezantimin e traditave, muzikës e valleve nga e gjithë bota, të sjella në mënyrë origjinale nga komunitetet e ndryshme që jetojnë në Bari prej vitesh.
Një përvojë njerëzore që mundëson krahasimin, shkëmbimin, bashkimin dhe rritjen dhe ndërveprim mes komuniteteve me origjina të ndryshme.
Këtë vit Ffestivali do mbahet nga data 26 maj deri më datën 28 maj 2023 në Parkun “Princugalli” në Bari, Itali.
Për herë të parë këtë vit në Festival do ta marrë pjesë edhe shoqata “Shqiponjat e Mendafshta”, e cila për gjatë tre ditëve të festivalit do të prezantojë në stendën e saj një copëz Shqipërie si dhe punën e aktivitete e realizuara në vite.
Aktiviteti mbahet nga ora 17:00 deri në orën 23:00.
Në festival do të jenë edhe 32 stenda të tjera të shoqatave të vendeve të ndryshme, të cilat kanë përfaqësuesit e tyre në Bari.
Çdo stendë do të jetë një ekspozitor me produkte artizanale ose gastronomike nga vendi përkatës.
Vajzat e “Shoqatës së Shqiponjave të Mëndafshta” kane vendosur ti’a dhurojnë mundësinë e prezantimit “Shtëpisë Familja Rozalba” në Lezhë të cilët për gjatë gjithë fundjavës do të jenë të pranishëm për të prezantuar dhe vendosur në shitje produktet e tyre artizanale.
Shpenzimet e udhëtimit të përfaqësuese të “Shtëpisë Familja Rozalba” janë mundësuar nga një mbledhje bamirësie e organizuar, nga vajzat shqiptare të shoqatës “Shqiponjat e Mëndafshta” të Barit.
E shtuna e 27 majit do ti dedikohet tërësisht Shqipërisë. Në orën 19:00 do jetë prezantimi i librit “Aroma e zymbylave të egër” i shkruar nga Rosa Maria Vinci që tregon historinë e vërtetë të një gruaje shqiptare të njohur në Martina Franka të Italisë, ëcila ndodhet aty për arsye shëndetësore. Dhe zbulon historinë e asaj mësueseje të embël dhe dinjitoze e cila zgjedh të ndjekë profesionin e zemrës në një kohe kur në Shqipëri sundonte edukata patriarkale. Të pranishme në prezantim, sëbsahku me autoren do të jenë Rozana Quagliariello, mikeshë e “Shtëpisë Familja Rozalba” dhe përfaqësuesja e Komunës së Barit Francesca Bottalico. Prezanton takimin Anna Lattanzi e Albania Letteraria.
Më pas programi vazhdon me një mbrëmje të dedikuar muzikës shqiptare dhe valleve tona tradicionale.
Të pranishëm në skene do të jenë edhe fëmijë të shkollës së gjuhës shqipe në Bari “Shqiponjat e Mëndafshta”, të cilët sëbashku me një grup studentesh të ciklit Pedagogji, të Universitetit të Barit “Aldo Moro”, do të lexojnë një tregim kundër racizmit.
