Dita e djeshme në Sallonin ndërkombëtarë të Librit që po zhvillohet në Torino ka qene dita e festes së gjuhës shqipe. Në aktivitetin “Letra nga Diaspora” organizuar nga Qendra e Botimeve për Diasporën në bashkëpunim me Qendrën Kulturore dhe Shkollën Shqipe “Margarita Xhepa” në Asti, Qendrën Kulturore Shqiptare “Centro Albanese” në Torino, Ambasadën e Republikës së Shqipërisë në Romë dhe  Konsullatën e Republikës së Shqipërisë në Milano.

Të pranishëm në këtë aktivitet mësues, prindër e nxënës të gjuhës shqipe dhe kulturës shqiptare në Itali por edhe nga vende të tjera ku jetojnë shqiptarë dhe mësohet gjuha shqipe.

E pranishme në këtë aktivitet Ministrja e Arsimit dhe Sportit Evis Kushi tha ndër të tjera: “Në këtë takim, të titulluar “Letra nga Diaspora – Gjuhë në Pasqyrë” diskutuam për gjuhën amtare, dygjuhësinë, rëndësinë e mësimit të gjuhës shqipe 🇦🇱 dhe botimet për fëmijët e Diasporës.

Mirënjohje të gjithë mësuesve të gjuhës shqipe në diasporë, që me shumë pasion, krenari e dashuri ndihmojnë në ruajtjen e gjuhës, kulturës e traditave shqiptare tek fëmijët shqiptarë kudo ku ata jetojnë.

Faleminderit Mimoza Hysa dhe Qendra e Botimeve për Diasporën për organizimin e takimit dhe punën e palodhur në përmbushjen e misionit tuaj fisnik e patriotik”!