Gjithçka nisi tre dekada më parë. Majlinda nga Kruja filloi të mësonte si të realizojë veshjet me grep dhe me shtiza.

Puna e parë e saj doli me sukses dhe u pëlqye nga njerëzit e afërt.

Që prej atij momenti Majlinda u shkëput nga ky pasion për një periudhë të gjatë.

Ajo përfundoi shkollën e lartë dhe nisi të ushtronte profesionin e mësuesisë. Lidhja me fëmijët dhe veshjet e përditshme të të vegjëlve i rikthyen dëshirën për të punuar sërish me grep dhe shtiza. Vrulli dhe pasioni akoma më i madh e ndihmuan që menjehërë të nisnin porositë e para duke e motivuar më shumë Majlindën që të prodhontë punime me dore.

Artizania krutane tregon se koha që kalon duke thurur veshje e relakson dhe i krijon qetësinë shpirtërore.

Pikërisht për këto arsye Majlinda po bën përpjekjet e saj që ta trashëgojë edhe tek e bija. Majlinda thotë se ndihet jashtëzakonisht e lumtur kur klientët vlerësojnë talentin dhe kreativitetin e saj.

Punimet e saj promovohen edhe në rrjetet sociale. Në faqen Xhenda_online gjenden punimet për grupmosha të ndryshme, koleksione çantash, tapete, rroba banjo,  aksesorë shoqëruese për plazhin që po afron madje edhe vepra arti.

Nëse dëshironi të ndiheni special, bëni pjesë të koleksionit tuaj edhe punime të artizanes krutane Majlinda.