Bashkia e Riminit në Itali në bashkëpunim me shoqatën “Agimi Rimini” ka sjellë një risi në shërbimin e banorëve shqiptarë të qytetit. Nisma “Konsullata në lagjen tuaj”, e vendosur në ambientet e bashkisë është përshtatja e shërbimeve dhe nevojave për qytetarët shqiptarë me banim në Itali në kohët që po ndryshojnë.

Vetëm një emigrant mund t’ja di rëndësinë e këtij shërbimi totalisht falas që Bashkia e Riminit në Itali e sjellë si risi në ambientet e saja në bashkëpunim me shoqatën “Agimi Rimini” lider për inovacione në shërbim për komunitetin shqiptar.

Kjo risi është përshtatja e shërbimeve dhe nevojave për qytetarët shqiptarë me banim në Itali në kohët që po ndryshojnë.

“Konsullata në lagjen tuaj”  është konfiguruar si një sportel shumfunksional ku do të mundësohet kryerja e formaliteteve të panumërta burokratike që hasin sot emigrantët shqiptarë në sigurimin e dokumentacioneve të ndryshme që u kërkojnë institucionet italianë në kohë reale” thuhet në njoftimin e shoqatës.

Ky sportel është edhe pjesë e një pakete bashkëpunuese që Bashkia e Durrësit po përgatit bashkë me Bashkinë e Riminit që do të konkludohet në ditët në vijim për tu ardhur në ndihmë të gjithë qytetarëve durrsak me banim në qytetin e Riminit dhe rreth tij për një sërë shërbimesh që deri sot durrsakëve me banim në rimini u është dashur të shkojnë në Durrës për ti tërhequr.

“Është një risi e re që shoqata jonë do ta promovojmë në të gjithë territorin italian në mënyrë që emigrantët shqiptarë të kenë mundësinë e marrjes së disa shërbimeve konsullore dhe të tjera që mund t’i duhen një emigranti, që platforma shtetërore shqiptare www.e-albania ofron dhe mund të aplikohen  e shkarkohen menjëherë direkt nga sporteli i komunës përkatëse italiane e cila me marrëveshje do ti njohe direkt ato certifikata që do të lëshohen nga ajo zyrë e sajë ku emigrantët janë resident, totalisht falas” shkruhet në njoftimin e shoqatës.