Këtë të hënë në Muzeun e Luftës organizohet aktiviteti me temë: “Komuniteti shqiptar, gruaja e së djeshmes, së sotmes dhe së nesërmes”. Një takim i cili do të ketë në epiqendër gruan shqiptare në emigracion.

Ku aktivitet organizohet nga Organizata “Jeta” në bashkëpunim me Prefekturën e Athinës e cila do të përfaqësohet nga nënprefekti dhe aktori i mirënjohur Haris Roma.
Në këtë aktivitet do të prezantohet edhe libri i pedagoges Nefeli Sturnara “Punëtoret shembullore – një përqasje ndërdisiplinore në dy spitale shtetërore greke”, një studim shkencor që prek probleme specifike dhe trajton këndvështrime të ndryshme të jetës së grave emigrante.

Eventi do të mbyllet me një program artistik me artistët  Vefi Redhi, Teuta Pango, Jani Kaçi dhe Elisabeta Malaj.

“Jeni të gjithë të mirëpritur ditën e hënë më 8 maj 2023, ora 19:00 në Muzeun e Luftës që ndodhet në qendër të Athinës, rruga Vasilis Sofias dhe Rizarou 2.
(Informacion më të detajuar gjeni në ftesën në greqisht)” shkruhet në njoftimin e organizatës JETA.