Qeveria shqiptare ka nënshkruar marrëveshjen për njohjen e sigurimeve shoqërore për shtetasit shqiptarë që jetojnë në Bullgari. Lajmin e ka bërë të ditur Kryeministri Edi Ram nëpërmjet një postimi në facebook.
Marrëveshja rregullon sigurimin e shtetasve të Bullgarisë dhe Shqipërisë kur punojnë në të dy vendet, garanton të drejtat e tyre të sigurimit, pagesës së përfitimeve në rast sëmundjesh ose aksidentesh në profesion, si edhe kushtet për dhënien e llojeve të ndryshme të pensioneve
Puna për realizimin e kësaj marrëveshje ka nisur në nëntor 2019, kohë kur u zhvillua raundi i parë i takimit midis Republikës së Shqipërisë dhe Republikës së Bullgarisë.
Shqipëria aktualisht ka marrëveshje për njohjen e ndërsjelltë të kontributeve të sigurimeve shoqërore, me: Gjermaninë, Belgjikën, Austrinë, Çekinë, Luksemburgun, Hungarinë, Rumaninë, Turqinë, Kanadanë, Maqedoninë e Veriut, dhe Kosovë.
Ndërsa janë ende në proces marrëveshjet për njohjen e pensioneve me dy vendet që kanë numrin më të madh të shqiptarëve, Italia dhe Greqia.