Këshilltarët e Bashkisë së Worchester kanë votuar njëzëri për të emërtuar një rrugë në Salisbury me emrin e heroit kombëtar shqiptar Gjergj Kastrioti Skënderbeu.

“Jam vërtet krenare për komunitetin shqiptar këtu,” tha këshilltarja e Qarkut 5 Etel Haxhiaj duke falënderuar një turmë prej mbi 50 anëtarësh të të gjitha moshave që ishin të pranishëm në takimin e këshillit ku u diskutua emërtimi i rrugës.

“Mendoj se janë shumë vlerat që na përcaktojnë si komunitet shqiptar; nuk është thjesht dashuri për atdheun”, vijoi Haxhiaj. “Janë vlerat që ne përqafojmë: uniteti, respekti për të tjerët, mirësia, besnikëria.”

Kush qëndron pas nismës?

Etel Haxhiaj dhe këshilltarja e përgjithshme Donna Colorio, që të dyja me origjinë shqiptare – realizuan peticionin për të emërtuar një pjesë të rrugës Salisbury nga Park Avenue deri në linjën Holden si ‘Gjergj Kastrioti Skenderbeu Way”.

Pse tani?

Emërtimi ceremonial është një emërtim simbolik që do të realizohet për ndër të disa përvjetorëve duke përfshirë 555 vjetorin e vdekjes së Skenderbeut; 40 vjetorin e Kishës Ortodokse Shqiptare të Fjetjes së Shën Mërisë në vendndodhjen e saj në rrugën Salisbury; 40 vjetorin e Festivalit Shqiptar, festivali më i madh dhe më i vjetër i këtij lloji në Amerikë; dhe 50 vjetori i Sons of St. Mary’s, një grup ndihmës për burra në kishë.