Organizata e Grave Shqiptare në SHBA, “Motrat Qiriazi”, nderoi dy gra për merita të jashtëzakonshme, znj.Etrita Ibroci dhe profesoresha Anila Sabiko Duro, të cilat morën respektivisht çmimin “Grua e Vitit” dhe çmimin “Mësuesja e Vitit”.
NEW YORK: Dita Ndërkombëtare e Gruas dhe Dita e Mësuesve në Shqipëri nga gratë Shqiptaro-Amerikane, është festuar të shtunën e të dielën, në disa mbrëmje festive në SHBA, duke mbledhur gratë dhe familjet e tyre në festën e Gruas.
Ndërkohë, ai që mund të quhet manifestimi qendror i grave në Amerikë, i përket mbrëmjes së madhe festive e organizuar Organizata e Grave Shqiptare në SHBA, “Motrat Qiriazi”, në qytetin e Nju Jorkut.
5 Marsi këtë vit shënoi një festë të gëzueshme për Ditën Ndërkombëtare të Gruas, ndërsa komuniteti shqiptar i zonës së Tri-Shteshit u mblodh për të festuar festën e gruas. Ky aktivitet organizohet nga disa shoqata e organizata, grupe familjare gjatë 30 viteve të fundit, dhe lidhet me 8 Marsin Ditën Ndërkombëtare të Gruas.
AAWO, Organizata e Grave Shqiptare në SHBA, “Motrat Qiriazi”, me rastin e këtyre dy festave të bukura, ndau edhe çmimet vjetore “Women of the Year – Gruaja e Vitit “, dhe, “Teacher of the Year – “Mësuesia e Vitit”,.
Çmime, këto, ku për çdo vjet kjo organizata ka gjetur të vlerësoi suksesin, dhe kontributin e këtyre zonjave shqiptare në SHBA, sidomos, ato në integrimin në shoqërinë Amerikane, dhe aktivitetin e tyre në komunitetin tonë, duke qenë ndonjera prej tyre aktiviste ose edhe një mësuese, e cila ka një karrierë shumë fisnike dhe të dobishme.
Këtë vit festa e grave shqiptare, u mbajtë në njërin prej mjediseve të lokalit, “Vista Skylounge” , në Long Island City – New York.
Ndërsa, morën pjesë mbi njëqind gra me familjet e tyre, miqtë, si dhe të ftuar të special, përfshirë disa personalitete të tjera nga komuniteti edhe zytare lokalë.
Kënga e vallja i argëtoi pjesëmarrësit duke ia shtuar gëzimin festës së grave, për më shumë se 4 orë muzikë të zgjedhur nga të gjitha trevat shqiptare, nën përkujdesjen e DJ ALBAN.
Këtë festë e bëri edhe më të bukur, me fotografit e tij, dhe videon (slideshow) mjeshtri i fotografisë në komunitetin tonë Olsi Beci.
Hapjen dhe moderimin e kësaj feste të bukur dhe të dashur të grave, për këtë vit e bëri Vanesa Bajo.
Kurse, fjalën e mirëseardhjes, duke ua uruar edhe festën ngrohtësisht , në cilësin e mikëpritses e dha Presidentia e AAWO-s, avokatja Beti Beno, Esq.
Presidentja e organizatës znj. Beti Beno Esq. tha, “Ne jemi krenarë që nderojmë këto gra të jashtëzakonshme dhe festojmë guximin dhe vendosmërinë e tyre. Festa tha ajo ishte një kujtesë e fuqishme se gratë janë forca të fuqishme dhe frymëzuese që vazhdojnë të kenë një ndikim të fortë në botë.
Të ftuarit e nderuar të përmendur në fjalimin e presidentetes ishin senatori i Nju Jorkut Kevin Thomas dhe Dr. Anna Kohen nga kryetare e degës së Floridës i Organizatës së Grave Shqiptaro-Amerikane – Motrat Qiriazi.
Presidentia Beti Beno, falënderoi gjithashtu Bordin e Drejtorëve, Komitetin e Eventit dhe disa individë të përkushtuar, përfshirë Eva Milo, Albana Konci, Ariana Elezaj, Agathia Luka dhe vullnetarët Daniela Beno, Bojkena Selmanaj dhe Anila Gjika.
Zonja Ravesa Bajo, menaxhere, Strategjike në Marrëdhënie me Publikun në META, hapi natën duke shprehur admirimin e saj për gratë shqiptare që kanë frymëzuar breza dhe vazhdojnë të japin gjithëçka për fëmijët e familjet e tyre, shoqërinë tonë, dhe integrimin në Amerikë.
“Çfarë kënaqësie e madhe është të jem mes jush këtë mbrëmje dhe të festoj me gratë e mrekullueshme shqiptare – të dashura, forta dhe të bukura – të cilat janë shtyllat e familjes së tyre, dhe e komunitetit tonë këtu në New York City – dhe Shtetet e Bashkuara, si dhe në atdheun tonë”, tha. Zonja Bajo.
Aktiviteti nderoi gjithashtu dy gra për merita të jashtëzakonshme, znj.Etrita Ibroci dhe profesoresha Anila Sabiko Duro, të cilat morën respektivisht çmimin “Grua e Vitit” dhe çmimin “Mësuesja e Vitit”.
Zonja Ibroci e cila është një anëtare e përkushtuar e komunitetit shqiptaro-amerikan që nga viti 1993, shprehu kënaqësinë e këtij vlersimi në ditën e gruas.
Gjatë fjalës ajo tregoi historinë e saj të suksesit dhe inkurajoi brezat e rinj që të qëndrojnë të fokusuar dhe të pasionuar.
“Jini të drejtuar nga zgjidhjet, zgjidhës problemesh, “lojtar” kryesor në ekipin familjar dhe shoqëror, dhe keni një qëndrim më se të admirueshem kudo në shoqërinë tonë. Ju gratë shqiptare ushqeni shpirtin, me dashuri, freskoni mendjen dhe trupin (me lexim, meditim, ushtrime, udhëtime dhe më e rëndësishmja me dashuri)”, u shpreh Ibroci.
Ibroci vazhdoi :
Edhe pse jam duke qëndruar këtu dhe e pranoj këtë çmim – dua që ju të dini se secila prej jush jeni gruaja e vitit dhe meritoni të gjitha lavdërimet për të gjitha arritjet tuaja si nëna, edukatore, inxhiniere, motra, halla, gjyshe, artistë, sportistë….
Gjithashtu dua të përgëzoj dr. Anila Duro për të gjitha arritjet e saj dhe ndikimin që ajo dhe të gjithë pedagogët po bëjnë çdo ditë duke fuqizuar brezat e rinj me njohuri, disiplinë të mendjes dhe duke krijuar themelet në ndërtimin e grupeve të tyre të aftësive që do të sundojnë botën. .
Unë jam përfshirë në komunitetin tonë që nga viti 1993 dhe kam qenë pjesë e organizatave të ndryshme. Duke parë prapa – jam krenar për gjithë punën që kemi bërë dhe ndikimin që kemi bërë (qoftë i madh apo i vogël). Po – Unë kam bërë një hap vitet e fundit pasi pak nga iniciativat e mia personale patën prioritet. Por unë jam gjithmonë në dispozicion për këshilla / mentorim në fushën time të financave (qoftë për të diskutuar shtigjet arsimore ose të karrierës në këtë fushë).
Unë personalisht kam punuar shumë për të arritur atë që kam sot. Në disa mënyra, mosha ime e rritur kaloi shpejt. Shkova në shkollë dhe punoja gjatë gjithë kohës që të ndihmoja edhe prindërit dhe vëllezërit e motrat. Dhe nuk ishte e lehtë. Por, e gjithë puna e palodhur, të gjitha përvojat e reja, njohuritë që erdhën me të ndihmuan në formimin e karakterit që në fund më bëri këtë që jam sot.
Më pyesin ndonjëherë se cili është çelësi i suksesit? Pa hyrë në disa shpjegime të thella filozofike se çfarë është përkufizimi i suksesit – për mua çelësi i suksesit është thjesht të përveshësh mëngët dhe të punosh fort në çfarëdo që të vendosësh (të jesh në shkollë, puna jote e parë, duke pastruar dhomën )….Gjithashtu, kurrë mos kini frikë nga puna, sepse ne të gjithë kemi këtë fuqi të pamasë brenda të cilit është gati të shpërthejë. Dhe më e rëndësishmja – çelësi i suksesit është një jetë e lumtur familjare. Ndaj duaje familjen tënde, përqafoje, puthi çdo ditë.
Në fund Ibroci gjithashtu dha dhjetë këshilla për t’i qëndruar besnik identitetit të dikujt dhe për të qenë krenar për arritjet e veta.
Anila Sabiko Duro, një profesore në Kolegjin e Drejtësisë Penale John Jay, ndau pasionin e saj për mësimdhënien dhe fuqizimin e grave .
“Është pasioni im… të mbështes, të fuqizoj, të frymëzoj, të besoj te të tjerët dhe t’u jap atyre mjetet për të pasur sukses në një mënyrë të veçantë,” tha Prof. Duro.
Po ashtu ajo tha se : “Ajo mënyrë e veçantë është kur ne bëjmë gjënë e duhur, kur i pranojmë privilegjet tona, kur përdorim fuqinë tonë për të luftuar urrejtjen, racizmin dhe seksizmin, homofobinë, transfobinë dhe dhunën me bazë gjinore.”
Gjatë fjalimit të saj Prof. Duro, reflektoi mbi fuqinë e të qenit grua dhe “proklamoi” zonjën Ariana Elezaj, si një drejtuese dhe studiuese e studentëve të diplomuar në Kolegjin John Jay, si Sekretaren e AAWO, e cila është një model i vërtetë për gratë e reja dhe të rritura në komunitetin tonë.
Edit Shkreli Esq. prezantoi Senatorin e shtetit të Nju Jorkut Kevin Thomas, i cili u njoh nga Organizata e Grave Shqiptaro-Amerikane (AAWO) Motrat Qiriazi përmes një proklamate në vlerësim të mbështetjes së tij të palëkundur.
Dr. Daryl Wout, Ph.D., u prezantua nga Prof. Anila Duro dhe iu dha një Çertifikatë Njohjeje për udhëheqjen, mbështetjen dhe drejtimin e tij të lavdërueshëm për studimin e grave shqiptaro-amerikane.
Mbështetësit e AAWO Motrat Qiriazi dhanë dhurata për një lotari që mblodhi gjithsej 1200 dollarë për një të mbijetuar të dhunës në familje në Nju Jork. Ky grumbullim fondesh thekson rëndësinë e krijimit të ndërgjegjësimit në lidhje me dhunën në familje dhe mbështetjen e të mbijetuarve për të rindërtuar jetën e tyre.
Aktiviteti u përcoll me muzikë nga vise të ndryshme shqiptare, ku të ftuarit vallëzuan gjatë gjithë natës. Ceremonia ishte një homazh i bukur për kontributin e jashtëzakonshëm të grave në komunitetin shqiptaro-amerikan dhe në profesionin e mësueses.
Organizata Motrat Qiriazi është një organizatë jofitimprurëse e dedikuar për të fuqizuar gratë shqiptaro-amerikane dhe për të festuar guximin, forcën dhe qëndrueshmërinë e tyre. Kjo festë me shënimin e Ditës Ndërkombëtare të Gruas ishte edhe një shembull tjetër i angazhimit të organizatës për të nderuar arritjet e grave dhe edukatoreve shqiptaro-amerikane.
Ashtu si dhe u shpreh drejtuesja e kësaj feste Vanessa Bajo, “Ne jemi gjithmonë thellësisht mirënjohës për këtë komunitet të grave shqiptare të pathyeshme që nga brezat e kaluar dhe të tanishëm vazhdojnë të frymëzojnë të rejat dhe të rinjtë që të ëndërrojnë gjithmonë përtej aspiratave tona më të guximshme”.
