Organizatat dhe shoqatat Shqiptare në Kretë nën logon e Lidhjes së shoqatave shqiptare Kretë kanë nisur një peticion për plotësimin e kërkesave dhe zgjidhjen e problemeve të Shqiptarëve në ishullin e Kretës. Ky peticion i cili do ti drejtohet Qeverisë së Republikës së Shqipërisë dhe Kryeministrit, Ministrisë së Punëve të Jashtme, Ministrisë së Punëve të Brendshme dhe Ambasadës së Republikës së Shqipërisë në Greqi.
Shqiptarët e Kretës nëpërmjet këtij peticioni kërkojnë hapjen e një zyre konsullore Shqiptare të përhershme në një nga qytetet e Kretës (Hanja, Rethimno ose Iraklio), Vendosjen permanente (12 Mujore) e linjës ajrore që lidh Kretën (Hanjan ose Iraklion) me Aeroportin Rinas Tiranë si dhe Nënshkrimin e marrëveshjes përfundimtare ndërmjet Ministrive përkatëse për njohje e sigurimeve shoqërore dhe garantimin për pensionet e Shqiptarëve në Greqi.
Njoftimi i plotë:
Thirrje të gjithë bashkatdhetarëve Shqiptarë në ishullin e Kretës nga Kissamo (Hanja), Rethimno, Iraklio, dhe deri në Lasithi, dhe në të gjitha rrethinat përreth të bashkohen në një zë dhe në një peticion, në plotësimin e kërkesave dhe zgjidhjen e problemeve të Shqiptarëve në ishullin e Kretës.
Peticioni i drejtohet:
– Qeverisë së Repuplikës së Shqipërisë dhe Kryeministrit.
– Ministrisë së Punëve të Jashtme.
– Ministrisë së Punëve të Brendshme.
– Ambasadës së R.SH. në Greqi.
Peticioni organizohet dhe përpilohet nga të gjitha organizatat dhe shoqatat Shqiptare në Kretë dhe nën ombrellën e LIDHJES SHOQATAVE SHQIPTARE KRETË.
Kërkesat e peticionit:
1) Hapjen e një zyre konsullore Shqiptare të përhershme në një nga qytetet e Kretës (Hanja, Rethimno ose Iraklio).
2) Vendosjen permanente (12 Mujore) e linjës ajërore që lidh Kretën (Hanjan ose Iraklion) me Aeroportin Rinas Tiranë.
3) Nënshkrimin e marrëveshjes përfundimtare ndërmjet Ministrive përkatëse për njohje e sigurimeve shoqërore dhe garantimin për pensionet e Shqiptarëve në Greqi.
Për mbarëvajtjen e peticionit janë përgatitur të gjithë formularët e nënshkrimit nga të gjithë bashkatdhetarët në gjithë ishullin e Kretës dhe do të shpërndahen për firmosje në të gjitha qëndrat komunitare shqiptare në Kretë (Hania, Kissamo, Paliohora, Rethimno, Plakia, Mesara, Iraklio, Hersoniso, Agio Nikolao dhe Ierapetra).
Duke shprehur besim të plotë se kërkesat e peticionit të gjithë Shqiptarëve në Kretë do të dëgjohen, analizohen dhe do zgjidhen, përfundimisht nga Qeveria Shqiptare, dhe ministritë përkatëse të saj.
Lidhja e Shoqatave të Emigrantëve Shqiptarë në Kretë
Bëhuni pjesë e zgjidhjes së problemeve burokratike shtetërore duke u bashkuar së bashku
Firmos dhe ti për veten tënde
