Departamenti i Gjuhës Shqipe në Fakultetin e Edukimit të Universitetit “Aleksandër Moisiu” në Durrës do të organizojë më 5 maj konferencën e parë shkencore ndërkombëtare të gjuhësisë me temë: “Ligjërimi i shkruar dhe i folur, probleme reale dhe propozime konkrete për zgjidhjen e tyre”.
Konferenca ka për qëllim të mbledhë rreth vetes akademikë, profesorë, kërkues shkencorë dhe studiues të fushës së gjuhësisë (pa përjashtuar edhe ata të fushave të tjera), me qëllim që përmes ideve, mendimeve, metodave konkrete e strategjive të ndryshme, të kontribuohet në zgjidhjen e problemeve reale që lidhen me ligjërimin, si në aspektin e njohjes së njohurive gjuhësore, ashtu edhe në aspektin e zotërimit të aftësive praktike dhe të përmirësimit të kapacitetit ligjërimor në përdorim.
Me anë të kësaj konference synohet në veçanti të vihen në dukje probleme reale të gjuhës së shkruar shqipe dhe asaj të folur, si dhe probleme që lidhen me përdorime gjuhësore në të gjitha fushat e veprimtarisë sonë të përditshme; probleme që lidhen me stilet e përdorimit, me regjistrat gjuhësorë në të folur e në të shkruar etj.
Variacioni i larmishëm gjuhësor tregon vlerën e padiskutueshme të gjuhës njerëzore, si dhe fuqinë e saj të pazëvendësueshme në çdo kohë. Si rrjedhim, misioni i konferencës lidhet mbi të gjitha me punën që duhet bërë për një përdorim sa më të suksesshëm të aftësisë sonë gjuhësore duke synuar përmirësimin e vazhdueshëm të kompetencës ligjërimore si pjesë e qenësishme e sjelljes sonë njerëzore.
TEMATIKA
- Probleme reale të gjuhës së sotme shqipe dhe propozime konkrete për zgjidhjen e tyre.
– Gjuha standarde shqipe dhe edukimi gjuhësor.
– Strategjitë dhe politikat arsimore në fushën e edukimit gjuhësor.
– Integrimi i teknologjisë së informacionit në mësimin e gjuhës shqipe.
– Variacioni gjuhësor dhe kujdesi ndaj gjuhës së shkruar shqipe.
– Variacioni funksional i gjuhës shqipe
– Përshtatja e terminologjisë së fushës së teknologjisë së informacionit me gjuhën standarde shqipe.
– Variacioni gjeografik i gjuhës shqipe.
– Roli i dialekteve në pasurimin e gjuhës standarde shqipe.
– Variacioni historik i gjuhës shqipe.
– Studimet letrare dhe gjuha shqipe.
– Rëndësia e drejtshkrimit dhe e normës letrare në përgjithësi në fushën e drejtësisë.
- Ligjërimi i shkruar dhe i folur në kuadër të zhvillimit global.
– Fuqia e gjuhës përmes aftësisë dhe kapacitetit në ligjërimin e shkruar dhe atë të folur.
– Rëndësia e bilinguizmit (a multilinguizmit) gjuhësor dhe shmangia e pasojave të mundshme si , përzierja e kodeve gjuhësore , ose zëvendësimi i tyre pa kriter .
– Roli i ligjërimit në sjelljen tonë njerëzore.
– Aspekte kognitive në zhvillimin gjuhësor të fëmijës.
– Gjuhësia e zbatuar dhe mësimi i gjuhëve të huaja.
– Gjuha, komunikimi dhe biznesi.
– Gjuha, komunikimi dhe industria e turizmit.
Gjuhët e konferencës: SHQIP dhe ANGLISHT;
Dorëzimi i abstraktit: deri më 01.03.2023; 26. 03. 2023
Programi i konferencës: 31.03.2023; 05. 04. 2023
Dita e zhvillimit të konferencës: 05. 05. 2023
Tarifa e konferencës:
Për çdo pjesëmarrës konferenca është PA PAGESË, por organizatori nuk mund të mbulojë shpenzime të tjera (udhëtimin, fjetjen etj. )
Njoftime të mëtejshme për botimin e punimeve të plota (ISBN ose ISSN) do t‘u dërgohen të gjithë pjesëmarrësve pas zhvillimit të konferences.
Të dhëna për dërgimin e abstraktit:
- Abstraktet e punimeve duhet të dërgohen në adresën: [email protected]
- Abstrakti duhet të jetë në formatin “Ëord”, me jo më shumë se 300 fjalë. Për pranimin e abstraktit do të njoftoheni më 05. 04. 2023
Abstrakti duhet të përfshijë:
- Titullin e kumtesës (të theksuar, të qendërzuar, me shkrim “Times New Roman”, madhësia 14);
- Emrin e autorit (titullin e tij shkencor, institucionin ku është i punësuar, adresa e e-mail-it, madhësia 11);
- Tekstin (shkrimi i përdorur: “Times Neë Roman”, madhësia 12, “margjina” normale, hapësira “single”
- Fjalët çelës (3 deri 5 fjalë, madhësia 11, me shkrim të pjerrët).
Për çdo pyetje mund të shkruani në adresën:
[email protected]
