Mbrëmjen e së shtunës në Toronto të Kanadasë bashkoi shumë figura të njohura të artit, kulturës dhe aktivistë të komunitetit, për ta ndjekur premierën e filmit shqiptar “Dashuri dhe Turbulenca”.
Filmi ka ne qendër historinë e një djali rreth 40 vjeç që në të njëjtën kohë ka tri të dashura stjuardesa. Një stuhi e papritur ndodh dhe oraret e aeroplaneve ndryshojnë dhe përplasen në të njëjtën kohë, në të njëjtin vend!!! Këtu nisin edhe ngjarjet dhe të papriturat që do të shoqërojnë personazhin kryesor deri në përfundimin e filmit.
Organizatore e kësaj ngjarjeje kulturore ishte Elona Temali, e cila ka kontribuar më së shumti për realizimin e shfaqjes së premierës së filmit shqiptar në Kanada.
I pranishëm në premierë ishte edhe ambasadori shqiptar në Kanada Ermal Muça.
“Vlerësova se aktivitete të cilat janë bërë gjithmonë e më të shpeshta, të tilla si koncerte të artistëve ose me vepra të kompozitorëve tanë, apo shfaqjet e filmave shqiptarë, jo vetëm që pasurojnë jetën artistike komunitare, por edhe kontribuojnë për promovimin e artit, kulturës dhe kinematografisë shqiptare në Kanada”- shkruan ambasadori në profilin e tij në Facebook.
Organizatorja Temali ka falënderuar publikun shqiptar në Toronto që zgjodhi ta shikonte filmin e ardhur nga atdheu. “Një falenderim akoma dhe me special kastit drejtues të filmit përfaqësuar nga: “Papadhimitri Film Production” Dionis Papadhimitri si dhe aktorëve Gentian Zenelaj Rudina Dembacaj që me besuan përfaqësimin e filmit në Kanada ashtu si dhe sponsorave që mundësuan realizimin e një reception event, si mundësi për tu njohur më shume njëri me tjetrin dhe manifestimin e sensit komunitar, dua të përmend ketu: Klinika AlbdentaL Beqiri Professional Corporation Aldent Smile Dentistry Dea Beauty Clinic SingleKey European Patisserie Arra Law Firm Arlind Anamali VR Moving Blueberri Everyday Chemist Anri Bici Swift Painters GTA. Jeni fantastik. Gjithashtu falenderoj dhe Ambasadorin e Shqiperisë në Kanada Ermal Muca për mbështetjen e eventit dhe përshendetjen e publikut. PASQYRA SHQIPTARE TV”.
Filmi do të shfaqet edhe sot në Toronto.
