Festivali më i madh i kulturës dhe traditës shqiptare në Australi Shepparton Albanian Harvest Festival do të organizohet sërish në mars të vitit 2023. Lajmin e kanë bërë të ditur organizatorët të cilët kanë saktësuar edhe datën 19 mars 2023 si dhe vendndodhjen në Queens Gardens Shepparton.
I mbajtur çdo vit në muajin mars në Shepparton, Albanian Harvest Festival argëton audiencën me muzikë dhe vallëzim tradicional shqiptar, së bashku me një treg frutash dhe perimesh që ofron prodhime të rritura dhe të paketuara nga fermerët vendas.
Mbështetur nga Komiteti i Grave Shqiptare Shepparton, festivali përmban edhe ushqime tradicionale shqiptare të disponueshme për blerje.
Në vitin 2021 Shepparton Albanian Harvest Festival u vlerësua me çmimin e trashëgimisë kulturore në Greater Shepparton, Australi, në kategorinë e aktiviteteve dhe turizmit të komunitetit ndërkulturor dhe autokton.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
