Në mbrëmjen e katërt të festivalit të këngës italiane Sanremo, surprizë për publikon italian (por ndoshta më shumë për atë shqiptar) ka qenë interpretimi i dy artistëve shqiptarë Anna Oxa dhe Iljard Shaba.

Anna Oxa, e cila ngjitet për të tetën herë në skenën e festivalit, në mbrëmjen e dueteve (një formulë e aplikuar viteve të fundit ku këngëtarët garues ftojnë një tjetër këngëtar për të interpretuar në skenë) Oxa ka zgjedhur një instrumentist shqiptar. Violonçelistin  Iljard Shaba, të cilin Amadeus e prezantoi edhe si Dj.

Dy artistët kanë risjellë këngën e “Un emozione da poco”, me të cilën Anna Oxa debutoi në Sanremo ne vitin 1973. Performanca e violonçelistit Iljard Shaba, e magjia vokale e këngëtares me origjinë shqiptare, siç do të komentonin mediet ‘zgjuan’ publikun e Ariston…

Teksa të gjithë e njohin divën italiane me origjinë shqiptare shume pyesin kush është Iljard Shaba?

Iljard Shaba është një violonçelist profesionist, si dhe një interpretues DJ. Ai studioi muzikë në universitet dhe që nga mosha 16 vjeçare ai përsosi teknikën e tij me violonçelin. Falë stilit unik, ai ka qenë në gjendje të luajë në koncert në shumë vende të botës për më shumë se dhjetë vjet, me një repertor të përbërë nga muzika klasike, xhazi, muzika latine dhe gjithashtu këngë të tjera popullore.