Vetëm katër javë më parë se të mbahen zgjedhjet lokale në Komunën e Tuzit-Mal të zi, të shtunën më datën 4 shkurt në sallën e Restorantit “Tesoro Ditalia” u mbajt një takim politik, parazgjedhor e Kryetarin e Komunes se Tuzit, z. Nik Gjeloshaj – takim ky në të cilin morën pjesë dhjetra vetë, kryesisht malësorë nga Malësia.
Takimin me Diasporën shqiptare në New York e moderoi Dritan Sinishataj, ndërsa folën: Senad Lulanaj, aktivist në Diasporë, Shaqir Gjokaj, Kryetar i “Shoqatës Malësia e Madhe”, Kolv Cacaj, Kryetar i Fondit Humanitar Trieshi, Gjekë Gjonlekaj Publicist, Xheladin Zeneli ish-deputet shqiptar dhe tani aktivist në Diasporë, Kiko Çelaj aktivist, Ilir Çunmulaj aktivist, Zef Ujkaj aktivist, Nikollë Junçaj aktivist, Mark Gjonaj Kryetar i Këshillit Kombëtar të Diasporës.
Moderatori i këtij takimi parazgjedhor na tha se të gjithe folësit dhanë mesazhin e përkrahjes së ketij Forumi si e vetmja alternativë që garanton vazhdimin e zhvillimit të Malesisë.
Ai tha se interesimi i malësorve për këtë takim politik ishte i madh, aq sa edhe salla me rreth 200 vende ishte e mbushur plot me përkrahës të Forumit shqiptar.
-Zgjedhjet Lokale mbahen me 5 Mars.
Nik Gjeloshaj, kryetar i Komunës së Tuzit bëri thirrje që Diaspora duhet të vij në numër sa më të madh në mënyrë që të bëhen në vazhdimësi pjesë e proceseve politike në vendlindjen e tyre.
Siç dihet Kryetari i Komunës javën e kaluar ka qenë i ftuar në lutjet e mengjesit në Washington, ku thuhet se gjatë dy ditëve në Washington ai ka bërë takime me disa senator dhe kongresistë.
Nik Gjeloshaj, kryetar i Komunes se Tuzit të premten me daten 3 shkurt gjithashtu ishte në takim në Michigan me Diasporën shqiptare.
Nga Beqir Sina
