Gjyqtari me origjinë shqiptare Rauf Soulio është nderuar me medaljen prestigjioze të Anëtarit të Urdhrit të Australisë, nga federate e futbollit si pjesë e njohjeve të Nderimeve të Ditës së Australisë 2023.

“Ish-presidenti i Futbollit të Australisë Jugore (2006 – 2016) dhe Zëvendëskryetari i Trupit të Kontrollit të Hyrjes së Konfederatës së Futbollit Aziatik (organi gjyqësor), gjyqtari Rauf Soulio AM, vlerësohet për shërbimin e tij të rëndësishëm në çështjet multikulturore, në gjyqësor dhe në Komunitet.

Ne jemi të kënaqur për Rauf Soulion i cili ka mbajtur role të rëndësishme udhëheqëse dhe qeverisjeje gjatë shumë viteve për të nxitur ndryshime pozitive për sportin tonë dhe nderimet e tyre Anëtare të Urdhrit të Australisë janë shumë të merituara” thuhet në njoftimin e Federatës.

Komuniteti Shqiptar Australian është krenar me arritjet te Rauf Soulio, i lindur ne Australi, në familje shqiptare. Baba i tij u vendos në Australi mbas vitit 1950 pas arratisjes nga regjimi komunist në Shqipëri.