Quhej Elion Shala, 15-vjeçari që pasditen e djeshme u përplas dhe u vra nga treni në Chiari, Brescia. Djaloshi luante për ekipin e Chiarit, në vendin ku gjithashtu jetonte me familjen e tij jo shumë larg stacionit hekurudhor.

“Lamtumirë bomber, na le buzëqeshjen tënde të përjetshme”, thuhej në postimin i shokëve të skuadrës.

“Të gjesh fjalët e duhura në këto momente është gjithmonë e vështirë, lërë më në këtë rast që ju ishit pjesë e jona. Elion na lër buzëqeshjen tënde të përhershme dhe vitalitetin e madh. Ke mundur t’i bësh të gjithë të të duan pasi ishe miqësor dhe ndihmues me të gjithë. Ne do të përpiqemi t’i qëndrojmë pranë Erionit, mami Matildës dhe babi Ilirit për t’i bërë ata të ndihen më pak vetëm”, shkruante klubi.

Sipas një informacioni fillestar të siguruar nga disa dëshmitarë, shqiptari, i cili në atë moment ishte në shoqërinë e një grupi shokësh, nuk e kishte vënë re trenin që kalonte teksa kalonte shinat për të mbërritur në platformë, nga e cila ndoshta duhej të dilte. E gjithë ngjarja kishte ndodhur në sytë e bashkëmoshatarëve të cilët mbetën të tmerruar.