Dr. Detina Zalli nuk është një emër i panjohur për publikun shqiptar, brenda dhe jashtë vendit. Ajo dhe motra e saj janë shembulli i një historie të madhe suksesi në Diasporë. Përtej kontributit të tyre shkencor, Dr. Detina Zalli, dhe Dr. Argita Zalli, janë një shembull frymëzimi edhe për komunitetin.
Nisma e fundit është “Zalli Foundantion” krijuar nga Dr. Detina Zalli një organizatë bamirëse, objektivi i së cilës është të promovojë transformimin pozitiv duke theksuar rëndësinë e dhembshurisë dhe mirësisë si vlera thelbësore.
Pjesë e kësaj platforme është edhe cikli i intervistave “Shfaqja e Liderëve” (The Leaders Show). Një program i fokusuar në frymëzimin e njerëzve në të gjithë botën duke u ofruar atyre mesazhe motivuese që i inkurajojnë ata të udhëheqin nga kudo dhe në çdo kohë.
Dr. Detina Zalli interviston disa nga njerëzit më me ndikim në botë për të frymëzuar njerëzit në mbarë botën duke ndarë historitë e tyre të jetës, përvojat dhe ekspertizën e tyre.
I ftuari i radhës i Dr. Detina Zalli është Gift Ostallos Siziva, një shkencëtar politik i cili është i apasionuar pas pjesëmarrjes së të rinjve në proceset demokratike dhe zhvillimore.
Ai u zgjodh për të marrë pjesë në Programin e Udhëheqësve të Fondacionit Obama në 2022. Misioni i Fondacionit është të frymëzojë, fuqizojë dhe lidhë njerëzit për të ndryshuar botën e tyre.
Në këtë linjë shkon edhe veprimtaria e Gift.
“Unë nisa fushatën e 1 milion të rinjve, e cila synon të mobilizojë një milion zëra për ndryshim në Zimbabve. Në këtë fushatë ne kemi pyetur se si të organizojmë dhe aktivizojmë popullatën e re. Ky grup specifik demografik duhet të lejohet të regjistrohet dhe të votojë në përputhje me të drejtat dhe detyrat e tyre qytetare. Prandaj, objektivi i kësaj sipërmarrjeje është të sigurojë mobilizimin e të rinjve” tregon ai.
Duke ju referuar përvojës në Fondacionin Obama ai u shpreh se si një fëmijë me origjinë modeste u ndje shumë i vlerësuar
“Unë pata mundësinë të angazhohesha drejtpërdrejt me Presidentin Obama gjatë një sesioni në të cilin ai bëri një prezantim dhe bëri pyetje nga të pranishmit. Unë gjithashtu dhashë një intervistë për CNN, dhe ekipi i Obamës më kërkoi më vonë të prezantoja presidentin. U përlota sepse nuk mund të mos e ndjeja se e gjitha ishte një ëndërr. Fakti që kjo është edhe një mundësi në shkallë globale është befasuese për mua.
Barack Obama është imazhi i një lideri. Ai është një lider global që më mirëpriti. Presidenti Obama më frymëzoi dhe më bëri të kuptoj se bota është plot me mundësi” përfundoi ai.
Intervistën e plotë mund ta shihni këtu:
Për të komunikuar me Dr. Detina Zalli kliko këtu:
https://www.linkedin.com/in/detina-zalli-ph-d-924a5540/
Për të mësuar më shumë rreth Zalli Foundation kliko këtu:
https://www.instagram.com/zalli_harvard/
