Kryetari i Këshillit Koordinues të Diasporës Shqiptare. Z. Mark Gjonaj ishte i ftuar në një intervistë në emisionin “Opinion” në Tv Klan ku ka bërë edhe një herë thirrje për mundësimin e votës së Diasporës në zgjedhjet e Ardhme.

Gjonaj ka treguar se gjatë javës së kaluar anëtarët e Këshillit Koordinues të Diasporë kanë realizuar takime me të gjitha forcat politike, nga Kryeministri, Presidenti, ministria e Punëve të Jashtme, ministra të tjerë të rëndësishëm si dhe liderët e partive politike të opozitës.

Lexo edhe: Mark Gjonaj: Nëse vërtet e doni Diasporën, jepini të drejtën e votës

“Të gjithë janë dakord dhe të gjithë duan që të realizohet vota Diasporës” tha Gjonaj. Ndërsa pyetjes së drejtpërdrejtë se përse nuk por realizohet Gjonaj ju përgjigj: “Ndonjëherë iu duhet fryrë pak zjarrit që të ndizet dhe Diaspora e Këshilli Koordinues i Diasporës “ka për t’i fryrë atij zjarri” dhe besojmë se me vullnetin e tyre ka për tu realizuar sa më shpejtë. Që në zgjedhjet e ardhshme të bëhet e mundur”.

Ai më tej sqaroi se tani është koha kur fillon ai debati se  duhet të merremi vesh, nga ana e teknikës, a do bëhet elektronik, a do bëhet me postë a do bëhet në ambasada. “Flasim variante e do biem dakord, vetëm të jetë vota e vlefshme dhe e njohur, por se si do bien dakord.

Unë kam lindur në Amerikë, prejardhjen e kam nga Ulqini e origjinë nga Shkodra unë nuk kam të drejtë të votoj dhe as të kërkoj të votoj, por ata qytetarë që kanë pasaportën shqiptare, mos ta humbin atë të drejtë që Kushtetuta ja ka dhënë dhe vlera e tyre ka shumë peshë e rëndësi” përfundoi ai.