Shoqata e grave “Mbretëresha Teuta” në Kroaci ka organizuar Manifestimin kulturoro – shkencor: Ditët e Mbretëreshës Teuta 2022, nën moton ‘Kontributi i pakicave kombëtare për qytetin e Zagrebit’.
Të ftuar krahas Ambasadorit Poda, në të morën pjesë edhe Ambasadori i Republikës së Kosovës Martin Berishaj, dhe Ambasadori i Republikës së Maqedonisë së Veriut Milaim Fetai.
Gjatë këtij aktiviteti, u shfaq edhe filmi dokumentar “Zagrebit me dashuri“ nga autorja Shenida Bilali.
Në përshëndetjen e tij, Ambasadori Poda, ndër të tjera, u shpreh se shqiptarët në Kroaci kanë mbajtur të gjallë dhe trashëguar brez pas brezi gjuhën e të parëve, fenë, zakonet, ritet e kulturën, ngjyrat e bukura të kostumeve popullore, të cilat na bëjnë të ndihemi shumë krenarë.