Tirana Airport Partners (TIA) informon të gjithë pasagjerët të cilët kanë për të udhëtuar nesër, 6 dhjetor, të jenë në aeroport 4 orë para fluturimit të tyre.
Kjo është pjesë e masave të marra për shkak të samitit BE-Ballkani Perëndimor që do të mbahet nesër në Tiranë, ku pjesëmarrës do të jenë liderët e Bashkimit Evropian dhe vendeve të Ballkanit Perëndimor.
Sipas TIA-s, kjo prezencë kërkohet në mënyrë që pasagjerët mos të rrezikojnë humbjen e fluturimit të tyre.
Ndërkohë autoritetet në vend kanë paralajmëruar masa shtesë sigurie, ndërsa kanë publikuar dhe akset rrugore në të cilat nuk do të lejohet qarkullimi apo parkimi.