Konsullata e Përgjithshme e Shqipërisë në Mynih organizoi pritje me rastin e Festës Kombëtare të Shqipërisë.

Në kremtimin e Festës Kombëtare në Sallën e Festave të Akademisches Gesangverein në Mynih, ishin të pranishëm presidenti i Qeverisë së Bavarisë së Sipërme, Dr. Konrad Schober, drejtoresha e Agjencisë Kombëtare të Diasporës së Shqipërisë, Sonila Hysi, Trupi Diplomatik, përfaqësues të medias, biznesit, komunitetit shqiptar.

Aktiviteti përveç anës protokollare ishte konceptuar edhe si një aktivitet për promovimin e artit, turizmit, kulturës dhe traditave shqiptare, me interpretimin e shquar të artistëve shqiptarë dhe të huaj prezentë, regjisores Valbona Xibri dhe aktores ukrainase Marina Ivaschenko, me një fragment të dramës “Burrnesha”, violinistit të shquar Rudens Turku dhe koleges së tij pianiste Tatiana Chernichka, si dhe grupit të valleve të Shoqatës “Iliria”. /ATA/