Këngëtarja shqiptare me famë botërore Dua Lipa ka elektrizuar mbrëmjen e djeshme Tiranën me koncertin e mbajtur në sheshin “Skënderbej” me rastin e festës së 28  nëntorit.

Ky ishte edhe koncerti përmbyllës të turit të saj botëror “Future Nostalgia”.

Mijëra fans shqiptarë u mblodhnën dje për të ndjekur interpretimin e këngetares. Një pjesë emadhe ardhur edhe nga Kosova dhe trevat shqipfolëse enkas për koncertin e saj në Tiranë, shijuan performancën e artistes më të njohur shqiptare në mbarë botën, koncert që përkoi edhe me Festën e Pavarësisë së Shqipërisë.

Dua kishte përzgjedhur disa prej këngëve hit të saj, ndërsa performanca arriti kulmin kur këngëtarja mori flamurin shqiptar dhe bëri simbolin e shqiponjës.

Në fund të koncertit një spektakël fishekzjarrësh ndezi sheshin “Skënderbej”, që edhe pse në temperatura të ulëta ishte mbushur plot.

Koncerti i Dua Lipas ishte falas për të gjithë qytetarët.