“Shqipja në diasporë” është aktiviteti që po zhvillohet ditën e sotme në Tiranë nga Qendra e Botimeve për Diasporën i cili synon nxitjen e dialogut ndërinstitucional dhe ndërshtetëror për hartimin e politikave bashkëkohore dhe programeve mbarëkombëtare për ruajtjen dhe zhvillimin e gjuhës shqipe dhe kulturës shqiptare jashtë vendit.
E pranishme në aktivitet zv. Ministrja për Evropën dhe Punët e Jashtme znj.Artemis Malo riktheksoi edhe një herë angazhimin e qeverisë në përafrimin e shqiptarëve në botë në rritjen e ndikimit të tyre në përgjithësi, në mbrojtje të të drejtave të tyre, forcimit të identitetit dhe vlerave të përbashkëta.
“Detyra ime si përgjegjëse për paketën e diasporës pas suprimimit të ish ministrit të Shtetit për Diasporën i cili më trashëgoi në fakt një paketë të nderuar, të ngritur të konsoliduar një vlerë e shtuar e kabinetit qeveritar. Nuk është aspak e lehtë, është një përgjegjësi e dyfishtë, sepse të punosh me Diasporën nuk është vetëm nder dhe privilegj, por është një përgjegjësi shumë serioze e cila në fakt fsheh brenda vështirësi dhe hallka të ndryshme për të cilat ne të gjithë jemi koshient. MPEJ i ka kushtuar një vëmendje të veçantë të gjitha institucioneve dhe mekanizmave që ne tashmë i kemi në përgjegjësinë tonë”, tha ndër të tjera zv ministrja.
Duke u ndalur të mbështetja dhe bashkëpunimi që institucioni që ajo përfaqëson ka më Qendrën e Botimeve për Diasporën znj. Malo tha se këtë vit festat e nëntorit në diasporë janë ndryshe falë librave të botuar dhe shpërndarë nga QBD.
“Produktet e QBD (Librat) dhe është një fakt, nuk ngelen thjesht të botimet është simboli mjeti me të cilin ju do të vijoni të kaloni te të gjithë fëmijët, të gjithë familjet dhe të gjithë prindërit e interesuar. Duke marre shkak nga festat e nëntorit shumë përfaqësi diplomatike e konsideruan këtë herë më produktive dhe më të nevojshme festimin e këtyre ditëve duke lexuar këto libra me fëmijët e komuniteteve shqiptare në gjithë botën. Dhe kjo në fakt përbën një risi. Ne jemi shumë krenar që gjatë këtyre festave në çdo komunitet shqiptar qoftë i madh apo i vogël do të ketë produkte (libra) të Qendrës së Botimeve për Diasporën. Kjo nuk është në fakt vetëm një shenje e angazhimit seriozitetit dhe përgjegjësisë që qeveria shqiptare ka marrë, por është edhe një shenjë dashurie patriotizmi i gjithë shqiptarëve si brenda edhe jashtë kufijve” përfundoi ajo.
