Kompania OneFor, me seli në Gjermani, ishte këto ditë mbështetësi kryesor i takimit të mbi 200 mjekëve shqiptarë të mbledhur në takimin e Shoqatës së Mjekëve Shqiptarë, i cili u mbajt në Klubin Ekonomik (Wirtschaftsklub) në Dyseldorf.
Ndër të pranishmit ishte edhe biznesmeni dhe filantropi i njohur shqiptar në Gjermani, Lazim Destani, por edhe Ilir Aliu, drejtori i kompanisë OneFor, e cila prër një kohë shumë të shkurtër në treg është etabluar si një prej institucioneve financiare me kushtet më të volitshme në treg për dërgimin e parave në vendlindje – në Kosovë , Shqipëri, Maqedoni të Veriut dhe gjithandej ku jetojnë shqiptarët.
Por OneFor ka shtrirje edhe në vendet më të rëndësishme të Bashkimit Europian, si dhe në Zvicër e Britani të Madhe. “Kjo kompani është pjesë e grupit global ND Group, ku bën pjesë edhe Ecolog International si dhe shumë kompani tjera me renome ndërkombëtar”, theksoi Aliu.
OneFor është një kompani e ndërtuar dhe menaxhuar në Gjermani nga një ekip ndërkombëtar me ekspertizë bankare dhe teknologjike, ku përfshihen edhe menaxherë dhe partnerë nga New Yorku, Londra dhe Frankfurti. E partner i kësaj kompanie për pagesa është edhe Mastercard, që do të thotë se personat që hapin një llogari bankare në OneFor dhe dërgojnë para përmes këtij aplikacioni, mund të porosisin edhe kartelën Mastercard dhe të bëjnë pagesa si në internet ashtu edhe në dyqane normale.
Një pjesë e madhe e klientëve të kësaj kompanie janë mërgimtarët tanë që jetojnë në Gjermani, Zvicër, Itali, Britani të Madhe si dhe familjarët e tyre në vendet e origjinës.
Mirëmbajtja e llogarive bankare është pa pagesë, që në kohën e inflacionit të lartë dhe çmimeve marramendëse me siguri nuk është e parëndësishme. Ndërsa dërgimi i parave në vendlindje me OneFor kushton vetëm 2,70 euro, pavarësisht shumës së dërguar.
“Produktet e OneFor përfshijnë llogarinë IBAN dhe Mastercard.
Regjistrimi është i lehtë dhe i shpejtë, ndërsa familjarët dhe miqtë mund të shkëmbejnë mes vete para dhe të bëjnë pagesa në çdo kohë, brenda pak sekondash”, shpjegon Aliu, duke shtuar se “kompania OneFor ka filluar të japë edhe kredi personale deri në 50.000 euro, me norma interesi që aktualisht në tregun gjerman janë në vendin e tretë.”
Për fillim kreditë do të jepen vetëm për personat që jetojnë në Gjermani një vit e më shumë dhe që kanë një kontratë pune prej gjashtë muaj e më shumë. Aplikimi për kredi është shumë i thjeshtë ndërsa kreditë merren brenda vetëm 24 orësh, nëse personi i plotëson kushtet e parapara.
Kompania OneFor ka për synim mbështetjen e diasporës në shumë segmente: Në radhë të parë me hapjen dhe mirëmbajtjen pa pagesë të një llogarie bankare. E dyta, është krijimi i një ambienti të mirë për zhvillim profesional, me një qendër prej mbi 100 ekspertë të financave dhe teknologjisë. Dhe së fundi është synimi për krijimin e parakushteve që remitancat të përdoren në mënyrë sa më produktive, duke inkurajuar investime dhe jo vetëm konsum.
Të gjitha detajet për këtë kompani mund t’i gjeni në faqen e internetit në: https://www.onefor.com
