Për 78-vjetorin e Çlirimit të qytetit të Elbasanit, si datë e rëndësishme në kalendarin historik të qytetit shoqata Elbasani në Emigracion, si shoqatë përbërëse e Unionit të Shoqatave Shqiptare në Greqi, organizoi një aktivitet festiv në qytetin e Athinës.
Ky aktivitet përkujtoi të rënët e qytetit dhe kontributin që Elbasanllinjtë ofruan deri në çlirimin e qytetit në datën 11 Nëntor1944.
Kryetari i shoqatës “Elbasani në Emigracion” z. Arian Tollumi, duke përshëndetur dhe falenderuar të gjithë të ftuarit që ndodheshin në sallë, për pjesëmarrjen e tyre në këtë festë, fjalën ia pasoi kryetarit të Unionit të shoqatave Shqiptare në Greqi z.Ardian Daullja. I cili falenderoi të gjithë të pranishmit në sallë, të cilët, edhe pse nën kushte të vështira transporti, për shkak të Maratonës së Athinës, ishin të gjithë atje të bashkuar, nga të gjitha krahinat e Shqipërisë. Me aktivistë të nderuar të mbarë komunitetit, për të festuar të gjithë së bashku, këtë ditë të shënuar për qytetin e Elbasanit.
Në këtë aktivitet morën pjesë përfaqësues nga Ambasada e Republikës së Shqipërisë në Greqi: Titullare të lartë, shqiptarë nga Kosova dhe nga Maqedonia e Veriut!
Gjithashtu morën pjesë edhe aktivistë dhe dashamirës të shoqatës si:
Shoqata “VELLAZERIMI”
Shoqata “LIDHJA E MESUESEVE SHQIPTARE NE GREQI”
Organizata “JETA”
SHOQATA “MEMEDHEU”
SHOQATA “ME JU PER JU”
“Aktivitetin e përshëndeti duke na udhëtuar në kohë, me fakte historike për Çlirimin e Elbasanit, kryetari i shoqatës të Ushtarakeve në Rezervë z.Aqif Bozhiqi.
Aktiviteti u zhvillua në një atmosferë të ngrohtë miqësore, ku nën tingujt e muzikës shqiptare dhe këngëve tona të tabanit, të interpretuara më së miri, nga këngëtarja jonë e talentuar znj.Teuta Pango që ngriti zemrat peshë, dhe na bëri të ndiheshim të gjithë krenare që jemi SHQIPTARE, dhe që vetëm të bashkuar mundemi të shkruajmë historinë tonë në emigracion!
Shoqata Elbasani ne Emigracion, si shoqate përbërëse e Unionit të Shoqatave Shqiptare në Greqi, falenderonë të gjithë pjesemarrësit në këtë aktivitet, dhe ju uron Nëntor të gëzuar dhe te bashkuar” thuhet në njoftimin e shoqatës.
