Kitaristi Aleksandër Zuberi është shpallur fitues i një konkursi muzikor në Londër me një instrument shumë të veçantë. Ai ka luajtur “Tumankuqen” me Pickaso Bow Guitar ( një hark i projektuar posaçërisht për kitarat akustike që ju lejon të prodhoni tingujt e instrumenteve me tela në kitarën tuaj).

Në një intervistë që dha për emisionin “Abc-ja e mëngjesit”, ai tregoi se e pa këtë instrument rastësisht në internet. Pasi kuptoi se si funksiononte, mësoi të luante dhe Tumankuqen. “Për ta mësuar duhet t’i kushtoja rëndësinë e duhur dhe duke e studiuar avash avash, më lindi ideja dhe melodia e Tumakuqes.

Në vazhdimësi e sipër e formoj si melodi, e përgatita si projekt për vajzën time tre vjeçare.“, tha kitaristi nga Delvina që jeton prej disa vitesh në Londër. Më tej, ai shtoi se synon që të realizojë dhe një minikoncert.