Për të katërtin vit në Rumani po mbahet aktiviteti “Ditët e Kulturës Shqiptare”. Një seri aktivitetesh të cilat synojnë të tregojnë vlerat e kulturës shqiptare por edhe bashkekzistencën e saj me kulturën rumune. Ditën e djeshme në Muzeun Kombëtar të Letërsisë Rumune është mbajtur një recital me muzikë dhe poezi shqiptare shoqëruar me përkthim në rumanisht. Artistët Florentina-Vinica Barbu (soliste), Daniel Berteșteanu (kitarë) dhe Ramy Fares (lahutë) interpretuan këngë tradicionale shqiptare, nga repertori i grupit të cilat gjenden edhe në albumet e prodhuara nga shoqata kulturore ALAR vitet e fundit. Poezitë shqipe, në përkthim rumanisht, u recituan me mjeshtëri nga Angel Rababoc, aktori i Teatrit Kombëtar “Marin Sorescu” në Krajovë, për kënaqësinë e publikut që mbushi sallën “Perpessicius” të Muzeut.
Ndësa ditën e premte më 11 nëntor 2022, ora 17:00 në Bibliotekën e Qarkut “Christian Tell” Gorj (Panairi Jiu, Heronjtë Calea nr. 23), do të ccelet ekspozita “Victor Eftimiu – një fat rumuno-shqiptar “.
Ekspozita përfshin imazhe dhe dokumente të dhe rreth shkrimtarit Victor Eftimiu (1889-1972), që ndodhet në trashëgiminë e Shoqatës së Lidhjes Shqiptare në Rumani. Hyrja falas për publikun.
