Zv. Ministrja për Evropën dhe Punët e Jashtme Artemis Malo ka pohuar edhe një vëmendje veçantë të qeverisë ndaj komuniteteve shqiptare në Diasporë. E ftuar në televizionin Publik Shqiptar znj. Malo ka bërë një skaner të përgjithshëm të të gjitha çështjeve të Diasporës, të mbetura pezull, ose jo pas shkrirjes së institucionit të Ministrit të Shtetit për Diasporën gati një vit më parë.

“Diaspora është një nga prioritete e qeverisë shqiptare. Tashmë edhe me suprimimin e ish Ministrit të Shtetit për Diasporën ka kaluar kompetenca në ministrinë për Evropën dhe punët e Jashtme. Si një paketë e veçantë me një përgjegjësi të veçantë në të gjithë kabinetin e ministrisë për Evropën dhe punët e jashtme i është dedikuar një mekanizëm. Tashmë Agjencia Kombëtare për Diasporën e cila është në vartësi të MPEJ e cila merret posaçërisht me të gjithë shqiptarët kudo që ndodhen dhe komunitete shqiptare jashtë kufijve. Sigurisht Strategjia Kombëtare për Diasporën 2021-2025, përfshin të gjitha veprimtaritë aktivitetet që do të zhvillohen në kuadër të urave lidhëse të lidhjeve të forta të investimeve që ne presim të realizojmë nëpërmjet shqiptarëve në Diasporë, por kryesisht me një mbështetje të plotë nga të gjitha përfaqësitë tona diplomatike” tha gjatë intervistës znj. Malo.

Sa i takon votës së Diasporës Zv. Ministrja Malo tha se Komisioni Qendror i Zgjedhjeve dhe aktorë të tjerë të përfshirë në këtë grup pune, por edhe me mbështetjen e ish ministrit të Shtetit për Diasporën dhe të grupeve parlamentare janë duke përfunduar punën.

“Pra po finalizohet shumë shpejt procesi i votës së Diasporës. E në fakt për tu treguar e sinqertë ne jemi me vonesë dhe këtu me lejoni ti bej thirrje të gjitha partive politike për tu bashkuar për ta finalizuar këtë iniciativë të qeverisë shqiptare sa më shpejt. Sepse është një e drejtë e pamohueshme” tha ajo.