Muaji Nëntor si çdo vit do të jetë një muaj i mbushur me aktivitete në të gjitha komunitete shqiptare në Diasporë. Edhe në Greqi ku jeton një komunitet shumë i madh shqiptarësh do të zhvillohen një sërë aktivitetesh. Ditën e djeshme Ambasada Shqiptare në Greqi ka publikuar kalendarin e aktiviteteve që do të organizojë këtë vit me një larmishmëri aktivitetesh kulturore artistike dhe sportive dedikuar komunitetit tonë, si kinematografi, ekspozita pikture, kampionat futbolli, muzikë, filma, letërsi dhe kulinari, për nder të 22 Nëntorit të Kongresit të Manastirit për themelimin e alfabetit të njëhësuar të gjuhës shqipe, 110 vjetorit të Pavarësisë dhe Festës së Flamurit si dhe 29 Nëntorit të Çlirimit të Shqipërisë.

Kremtimet nisin këtë të diel  𝐦𝐞̈ 𝟑𝟎 𝐭𝐞𝐭𝐨𝐫, 𝐨𝐫𝐚 𝟏𝟖:𝟎𝟎, në ambientet e ambasadës me aktivitetin “Kulinaria Shqiptare – Krenaria Jonë”. Ku gratë shqiptare që jetojnë në Greqi do të prezantojnë dhe shijojnë gatime tradicionale të të gjitha trevave shqiptare.

Agjenda e aktiviteteve përfshin

Ekspozitë me punime artistike;

Kampionati i futbollit “Kupa e Pavarësisë 2022”;

“Ditët e Filmit Shqiptar” në ambjentet e Ambasadës;

Promovim librash të autorëve shqiptarë;

Një ditë dedikuar komunitetit të biznesit shqiptar në Greqi;

Aktiviteti “Gra në Biznes”;

Ceremonia e shpërndarjes së çmimeve me fëmijët për pikturën më të mirë;

Mbrëmje Gala me të ftuar specialë, etj.