“Domani e per sempre“ libri debutues i kantautorit Ermal Meta tashmë është edhe në gjuhën shqipe me titullin “Nesër e përgjithmonë”. Artisti këto ditë ndodhet në Tiranë për të promovuar librin në gjuhën shqipe botuar nga Botimet Dudaj. Meta gjatë prezantimit ka rrëfyer edhe për detajet që shoqërojnë aventurën e tij të re. “Nuk gjeja kurrë kohën që të shkruaja. Forcën e arsyes, e motivit për të cilin doja të shkruaja se di, e kam pasur gjithmonë. Shpikjen e historive e kam pasur në mendje. Erdhi pandemia në 2020, ishim në lockdown dhe muzika nuk më vinte thjesht sepse dëgjoja vetëm sirenat e ambulancave në Milano. Më dukej se kisha një mungesa respekti të merresha me muzikë. Sikur nuk kishte vend për muzikën në atë momente por prapë nuk rrija dot pa krijuar diçka.”, tha Ermali.

Ndonëse të gjithë mund të prisnin një libër për jetën personale, artisti theksoi se donte të sillte diçka për rrënjët shqiptare.

Lexo edhe: Itali/ Ermal Meta gati librin për Shqipërinë e komunizmit